Aram MP3

	Aram MP3
	;
Fødd	5. april 1984
Fødestad	Jerevan i Den armenske sosialistiske sovjetrepublikken i Sovjetunionen (no Jerevan i Armenia)
Fødenamn	Արամ Սարգսյան, Aram Sargsvan
Alias	Aram MP3
Opphav	Sovjetunionen, Armenia
Aktiv	2006-i dag
Sjanger	pop
Instrument	Vokal, piano og gitar
Verka som	Songar, låtskrivar, komikar, underhalder og skodespelar

Aram Sargsyan (fødd 5. april 1984 i Jerevan), kjend som Aram MP3, er ein armensk songar, låtskrivar, komikar, underhalder og skodespelar.

Biografi

Sargsvan vart fødd i Jerevan i Den armenske sosialistiske sovjetrepublikken i Sovjetunionen, i det som i dag er Armenia. I 2006 vart han uteksaminert ved Yerevan State Medical University.

Han har mellom anna vore programleiar for to sesongar av X-Factor på Shant TV og Hay Superstar på same kanal. Han har òg leia fleiere program på Armenia TV.^[1]

Sargsvan har vore gift med Anna Margaryan sidan april 2008. Dei har ein son, fødd i juni 2011.^[2]

31. desember 2013 valde Hayastani Hanrayin herrustaynkerut’yun Aram MP3 til å representere Armenia i Eurovision Song Contest 2014 i København i Danmark. Songen, «Not Alone», vart presentert 14. mars 2014 og vil verte framført på engelsk. Han har skrive songen saman med Garik Papoyan.

Fleire store tippeselskap, inkludert Bwin og Sky Bet, spår at bidraget vil vinne Eurovision Song Contest 2014.^[3]^[4]

↑ «Արամ MP3» (på armensk). AV Production. Arkivert frå originalen 2. januar 2014. Henta 13. april 2014.
↑ «Aram MP3» (på armensk). Bravo.am. Juni 2011. Henta 13. april 2014.
↑ «Eurovision Song Contest 2014 (Copenhagen/DEN) 8:00 PM +7 Outright winner» (på engelsk). bwin.com. Arkivert frå originalen 21. mars 2014. Henta 13. april 2014.
↑ «2014 Eurovision Song Contest» (på engelsk). skybet.com. Arkivert frå originalen 21. mars 2014. Henta 13. april 2014.

Denne artikkelen bygger på «Aram MP3» frå Wikipedia på engelsk, den 13. april 2014.

Commons har multimedium som gjeld: Aram MP3