Arild Østin Ommundsen

Arild Østin Ommundsen (fødd 1969 i Stavanger) er ein norsk filmregissør.

Arild Østin Ommundsen
Statsborgarskap	Noreg
Fødd	5. august 1969 (55 år) Stavanger kommune
Yrke	filmregissør, filmklyppar, manusforfattar
Språk	norsk

Arild Østin Ommundsen debuterte med Mongoland i 2001, og dette vart starten på den såkalla Stavanger-bølgja for norsk film. Ommundsen fylgde på med Monstertorsdag (2005) og Rottenetter (2009) samt Eventyrland (2013). I alle filmane er det brukt skodespelarar frå Rogaland, m.a. Pia Tjelta, Kristoffer Joner, Terje Torkildsen og Silje Salomonsen, kona til regissøren. Arild Østin Ommundsen regisserte sin fyrste barnefilm med Knerten i knipe i 2011. Både denne og Rottenetter vart nominerte til Amandaprisen. Monstertorsdag vart handplukka til å delta i Sundance Film Festival og nominert til Grand Jury Prize.

Filmografi

• 1995: Hatari: Ufo!, kortfilm.
• 1997: Hevnens demon, kortfilm.
• 1999: Før solen står opp, kortfilm.
• 2001: Mongoland
• 2003: Hjemsøkt, kortfilm.
• 2004: Monstertorsdag
• 2006: Edderkoppfesten, novellefilm.
• 2008: Plis, kortfilm.
• 2009: Rottenetter
• 2011: Knerten i knipe
• 2013: Eventyrland

Prisar og utmerkingar

• 1999: Gullstolen på Kortfilmfestivalen i Grimstad for Før solen står opp.
• 2001: Gullklapperen for Mongoland under utdelinga av Amandaprisen
• 2005: Publikumsprisen for Monstertorsdag under filmfestivalen i Mannheim/Heidelberg
• 2012: Publikumsprisen for Knerten i knipe under Warsawa Internasjonale Filmfestival
• 2013: Rogaland fylkeskommunes kulturpris
• 2013: Amandaprisen for beste foto til Eventyrland
• 2013: Aamot-statuetten
• 2013: Stavanger kommunes stipend til manusutvikling for film