Armand Carlsen

Armand Henning Carlsen (20. oktober 1905–8. mai 1969) var ein norsk skøyteløpar frå Oslo. Han representerte Oslo Skøiteklub.

Armand Carlsen
Statsborgarskap	Noreg
Fødd	20. oktober 1905 Oslo
Død	8. mai 1969 (63 år)
Idrett	lengdeløp på skeiser, sykkelsport
Tok del i	Vinter-OL 1928
Utmerkingar	Egebergs Ærespris

Armand Carlsen i svart skjorte i ytterbanen.
Frå Vinter-OL 1928 i St. Moritz.

Karriere

Armand Carlsen representerte Noreg i skøyteløp frå 1925 til 1935. Han deltok i i alt 15 EM og VM, og fekk inga dårlegare plassering enn nr. 12. Under VM i 1927 vann han bronse.

Ei veke før OL 1928 deltok han i VM i Davos i Sveits. Her sette han ny verdsrekord på 10 000 meter med tida 17.17,4. Med dette sletta han gamlerekorden til Oscar Mathisen frå 1913. Rekorden til Carlsen skulle bli ståande i 10 år og 1 dag, til Ivar Ballangrud sletta han i 1938, også i Davos.

Carlsen deltok i Vinter-OL 1928 i St. Moritz, og fekk her ein femteplass på 5000 meter som beste plassering. Han vann 10.000 meter i NM same året. Carlsen vann også 10.000 meter under VM i 1934.

Armand Carlsen var også ein dyktig banesyklist, og fekk sylv i NM i banesykling i 1928. I 1929 vart han tildelt Egebergs ærespris for sin innsats innan både sykkel- og skøytesporten.

Armand Carlsen var president i Norges Skøyteforbund 1956–61. Sonen, Armand Carlsen, jr. har også vore skøyteløpar samt idrettsleiar, og barnebarnet Øystein Carlsen som m.a. deltok under vinter-OL 1994, har tevla for same skøyteklubben som bestefaren.

Kjelder

• Bokmålswikipedia om Armand Carlsen, henta inn 9. desember 2011.
• «Armand_Carlsen» i Store norske leksikon, snl.no., henta inn 9. desember 2011.