Armstrong Whitworth

Sir W G Armstrong Whitworth & Co Ltd var eit større britisk produksjonsføretak i byrjinga av 1900-talet. Det hadde hovudkvarter i Elswick i Newcastle, og laga bilar, fly, lokomotiv, skip og våpen.

Armstrong Whitworth
Bransje	Bilindustri, skipsbygging, lokomotivmaking
Skipa	1847 (W.G. Armstrong Co.)
Nedlagd	1927
Etterfylgjar(ar)	Vickers-Armstrongs
Eigar	William Armstrong, 1. baron Armstrong
Dotterselskap	Vickers Armstrong Armstrong Siddeley
Hovudkontor	Manchester, England, Newcastle upon Tyne
Land	Storbritannia
Produkt	Aircraft Armaments Locomotives Ships
Grunnleggjar(ar)	William George Armstrong
Lagnad	Oppsplitting Oppkjøp

Føretaket blei stifta av William Armstrong i 1847, og blei gjennom fusjonar etterkvart til Armstrong Mitchell og Armstrong Whitworth. I 1927 fusjonerte det med Vickers Limited til Vickers-Armstrongs, med bil- og fly-verksemda kjøpt opp av J D Siddeley.

Historie

I 1847 skipa ingeniøren William George Armstrong ein verkstad ved Elswick i Newcastle. Dei laga hydraulisk maskineri, kranar og bruer, og etterkvart også artilleri, der særleg Armstrong-kanonen som den britiske hæren brukte under Krimkrigen er velkjend. I 1882 blei selskapet slått saman med selskapet til skipsbyggjaren Charles Mitchell og fekk namnet Armstrong Mitchell & Company. På denne tida strekte verkstaden seg over over ei mile (ca. 2 km) langs breidden av elva Tyne.

Armstrong Mitchell fusjonerte igjen med ingeniørføretaket til Joseph Whitworth i 1897. Selskapet utvida til å laga bilar og lastebilar i 1902, og skipa ei avdeling for luftfartøyi 1913. Denne blei til dotterselskapet Armstrong Whitworth Aircraft i 1920.

I 1927 fusjonerte føretaket med Vickers Limited til Vickers-Armstrongs.

Kjelder

• Denne artikkelen bygger på «Armstrong Whitworth» frå Wikipedia på engelsk, den 31. mai 2020.