Arne Halse

Arne Halse (20. oktober 1887–3. juli 1975) var ein norsk friidrettsutøvar som tevla i spydkast, både i fristil og det som den gongen var vanleg spydkast. Han vann OL-sølv i spydkast med begge armar under Sommar-OL 1908, samt OL-bronse i spydkast med beste arm (fristil). Halse var medlem av Trondhjems IF, seinare av Sportsklubben Brage.

Arne Halse
Statsborgarskap	Noreg
Fødd	20. oktober 1887 Kristiansund kommune
Død	3. juli 1975 (87 år) Trondheim
Yrke	friidrettsutøvar
Høgd	172 centimeter
Far	Dyre Halse
Arne Halse på Commons

Aktiv

Halse, som var fødd i Kristiansund og oppvaksen i Trondheim, var son til den framgangsrike forretningsmannen Dyre Halse. Arne Halse vart norsk meister i spydkast i åra 1905, 1906, 1907 og tok sølvmedaljen i 1909. Åra 1906 og 1907 vart han noregsmeister også i kulestøyt, i 1909 fekk han bronsemedaljen i øvinga.

18 år gammal deltok Halse i Sommar-OL 1906 i Aten og vart nummer sju i spydkasting med beste arm. To år seinare vann han sølvmedaljen i vanleg spydkast og tok bronsen i fristil-øvinga under dei olympiske leikane i London. Han deltok også i kulestøyt. Under Sommar-OL 1912 i Stockholm kom han på femteplass i spydkast (venstre + høgre arm) og 7. plass i vanleg spydkast.

Kjelder

• Denne artikkelen bygger på «Arne Halse» frå Wikipedia på bokmål, den 17. april 2015.