Arne Hestenes
Arne Hestenes (29. januar 1920–3. januar 1995) var ein norsk journalist og forfattar. Han var knytt til avisa Dagbladet i Oslo frå 1947, der han blant anna skrev intervjuar, petitkåseri og meldingar under signaturen «Plut».
| Arne Hestenes | |
| Pseudonym | Plut |
| Statsborgarskap | Noreg |
| Fødd | 29. januar 1920 Tromsø 
|
| Død | |
| Yrke | journalist, filmmeldar, matanmelder |
| Prisar | Gullpennen, Den Spillende Faun |
Hestenes voks opp i Tromsø. Han var bror til juristen Olav Hestenes.
Han drog til Sverige under krigen og vart opplært som kryptograf i Sikringstenesta ved Rettskontoret i Stockholm.[1]
Arne Hestenes var mellom anna kjend for ei rekkje intervju med filmstjerner og internasjonale kulturkjendisar, ikkje minst frå Filmfestivalen i Cannes. Frå han første gong skreiv om festivalen i 1949 dekka han han 40 gonger.[2]
Hestenes fekk journalistprisen, Narvesenprisen i 1963 og sidan Riksmålsforbundet sin Gullpenn i 1985. Same året fekk han òg Oslo bys kunstnarpris. Hestenes var offiser av den franske Ordre des Arts et des Lettres.[3] Til ære for Arne Hestenes stifta Dagbladet i samarbeid med Den norske filmfestivalen og Institutt for journalistikk Arne Hestenes Journalistpris (òg kalla «Hestenes-prisen»), som vert delt ut årleg i samband med Haugesund internasjonale filmfestival.[4]
Arne Hestenes og Dagbladet arrangerte elles også missekonkurransen «Frøken Norge» frå 1952 til 1956.
Kjelder
endre- ↑ Oslo journalistklubb 100 år : 1894-1994 : festskrift. Klubben. 1994. s. 44. ISBN 8299325102.
- ↑ Hansen, Lars Ditlev (20. oktober 2011). «Monsieur Cannes». Aftenposten. Henta 4. april 2015.
- ↑ «Navn i nyhetene: Ridder PLUT», NTBtekst, 13. februar 1991.
- ↑ Arne Hestenes i Norsk biografisk leksikon