Arne Moslåtten
Arne Moslåtten (fødd 4. april 1948) er ein norsk musikar, komponist, musikklærar og rektor, men han er mest kjend som tekstforfattar og medlem av bandet Hellbillies.
| Arne Moslåtten | |
 | |
| Statsborgarskap | Noreg |
| Fødd | 4. april 1948 (76 år) |
| Yrke | musikar, komponist, gitarist |
| Arne Moslåtten på Commons | |
Moslåtten handsamar fleire instrument, både fløyte, trekkspel og gitar. Han er utdanna faglærar ved Musikkonservatoriet i Bergen. I 1978 blei han rektor ved Ål musikkskule. I 1979 blei han med som gitarist i Toradertrioen og del av Tore Løvgreens orkester. Han har òg spela i Kåd'nbandet som ofte blir rekna som utgangspunktet for Hellbillies.
Moslåtten har lang erfaring innan folkemusikk og vann i 1986 Landskappleiken i klassa for «eldre folkemusikkinstrument». I tillegg har han turnert for Rikskonsertane. Han har fleire komposisjonar bak seg, mellom anna bestillingsverket «Brureferdi» i 1994.
Forfattar
endreMoslåtten er medforfattar til eit undervisningsverk som omhandlar folkemusikken i Buskerud – «Kvint og kvart». Men han er likevel mest kjend for si rolle i Hellbillies. Songane blir omtala som sikre og presise i form, og med eit tematisk mangfold med presise observasjonar frå norsk bygdeliv. «Moslåttens tekster er så litterære at de er verd et nærmere studium» (Sveinung Nordstoga).
I 2008 vann han Edvard-prisen for tekstane til Hellbillies-plata Spissrotgang.
Litteratur
endre- Sveinung Nordstoga: Mål dagen og skriv eit dikt! Tekstmøte mellom Hellbillies og Olav H. Hauge Essay i Norsk Litterær Årbok 2007 side 118.