Arnljot

Arnljot er eit mannsnamn, av norrønt Arnljótr, av Arn 'ørn' og ljótr , kanskje 'skinande'.

Arnljot har namnedag den 1. juli i Noreg.

Bruken av namnet i Noreg

I Noreg fekk namnet ein renessanse med diktverket Arnljot Gelline av Bjørnstjerne Bjørnson, men utbreiinga har gått attende sidan midten av 1900-talet.

• I folketeljinga frå 1801 var det ingen som var manntalsført med dette namnet
• I 1900 var vel 60 personar som var listeførte med namneformene Arnljot, Arnliot, Arnlioth og Arenljot, av dei 13 i Nordland
• I 2008 var det 238 som heitte Arnljot til første fornamn

Kjende namneberarar

• Arnljot Eggen (1923 - 2009), norsk lyrikar
• Arnljot Høyland (1924 - 2002), norsk professor

Oppdikta personar

• Arnljot Gelline, diktverk av Bjørnstjerne Bjørnson

Kjelder

• Søk etter norsk namnestatistikk for Arnljot hjå Statistisk Sentralbyrå
• Folketeljingar i Digitalarkivet
• Olav Veka: Namneboka, Det Norske Samlaget 1991