Arthur's Pass nasjonalpark
Arthur's Pass National Park er ein nasjonalpark ligg på Sørøya på New Zealand. Han er administrert av Department of Conservation.
| Arthur's Pass nasjonalpark | |||
| park | |||
 Arthur's Pass sett frå skråningen under Avalanche Peak.
| |||
| Land |  New Zealand
| ||
|---|---|---|---|
| Region | Canterbury | ||
| Distrikt | Westland | ||
| Tidssone | +12 | ||
| Kart |  Arthur's Pass National Park | ||
 Arthur's Pass National Park 42°53′23″S 171°43′17″E / 42.889666666667°S 171.72141666667°E | |||
 Arthur' Pass National Park markert med grønt.
| |||
| Wikimedia Commons: Arthur's Pass National Park | |||
Parken vart oppretta i 1929, som en første nasjonalparken på Sørøya og den tredje på New Zealand. Han er delt av riksvegen State Highway 73. Vegen går gjennom Arthur's Pass Village og fjellpasset med same namn over Søralpane i ei høgde av 920 meter over havet. Parken er administrert av Miljøverndepartementet Department of Conservation som driv eit depot og eit administrasjons- og informasjonssenter i Arthur's Pass Village.
Geografi
endre
Parken er tydeleg delt av det store skiljet (Søralpane) på Sørøya. Austsida er turrare og består av sørbøkeskogar og breie elvefâr, medan vestsida består av tett regnskog. Mykje av landskapet vart forma under istida som danna flatbotna, U-forma dalar. I midten er ei høg fjellrekkje som består av store, snøkledde toppar og skråningar med steinurer.[1]
Parken omtattar følgjande geografiske særmerke:
- Ein del av det store geografiske skiljet på Sørøya, inkludert fjellpassa Harman, Waimakariri Col, sjølve Arthur's, Goat (på Mingha-Deception-ruta), Tarahuna, Worsley, Minchin og Harper.
- Utspringet til Waimakaririelva, i nærleiken av Waimakariri Falls Hut.
- Talrike sideelver til Waimakaririelva, mellom desse elvene Bealey, Poulter, Hawdon, White, Crow og Anti Crow.
- Ei rekkje sideelver til Taramakau-elva, som Otira, Deception og Otehake.
- Mount Murchison, som ligg 2400 moh., er den høgaste fjelltoppen i parken.[1]
Rekreasjon
endreParken er populær for fotturar, skisport og fjellklatring.
Populære fotturruter er:
- Mingha-Deception, del av Coast to Coast race
- Avalanche Peak
- Hawdon-Edwards
Referansar
endre- ↑ 1,0 1,1 Arthur's Pass National Park > New Zealand, www.newzealand.com, vitja 5. desember 2012
- Denne artikkelen bygger på «Arthur's Pass National Park» frå Wikipedia på engelsk, den 5. desember 2012.
Bakgrunnsstoff
endre- Department of Conservation, informasjon om Arthur's Pass National Park. Vitja 5. desember 2012.
- Softrock - Vevside - mest om fjellklatring, vedlikehalden av lokale kjentfolk. Vitja 5. desember 2012.
- Om rednings- og sikringstenesta i Arthur's Pass. Vitja 5. desember 2012. Arkivert 2013-04-30 ved Wayback Machine.