Asta Graah Bolander
Asta Graah Bolander (4. februar 1861–1. mars 1946) var ein norsk forfattar og dramatikar som skreiv skodespel, forteljingar og sakprosa.
| Asta Graah Bolander | |
| Statsborgarskap | Noreg |
| Fødd | 4. februar 1861 Oslo |
| Død |
1. mars 1946 (85 år) |
| Yrke | skribent |
| Far | Knud Graah |
| Ektefelle | Gustaf Bolander |
Familie
endreAsta Bolander var dotter av den danskfødde forretningsmannen og industrigründeren Knud Graah (1817-1909) og Helene Marie Conradi (1837-1866, ei dotter av professor Andreas Christian Conradi).[1] Ho gifta seg 21. november 1889 med visekonsul og grosserar i Göteborg Carl Gustaf Bolander i Treeiningskyrkja i Oslo.[2]
Liv og virke
endreAsta Bolander debuterte i 1890 med dramaet Folk, eit skodespel i tre aktar som vart oppført ti gonger same året på Christiania Theater, der Constance Bruun utmerkte seg i hovudrolla. Her er handlinga lagt til det same finansaristokratiet i Kristiania som ho sjølv tilhøyrde. Delar av forfattarhonoraret gav Bolander til pensjonsfondet til teateret. Folk utkom òg i svensk språkdrakt, og fekk premiere ved Stora Teatern i Göteborg i 1891.
I Bolanders siste utgjevingar formidlar ho sin kunnskap om den italienske renessansen. Ho heldt òg foredrag om dei politiske og kunstneriske tilhøva i Firenze. Ho belyste temaet nærare i artikkelen Lorenzo Ghiberti og bronzeprotene paa batteriet i Florenz, som vart publisert i Guldsmedkunst i 1924.
Forfattarskapen til Asta Bolander strekte seg over førti år, og trass den avgrensa produksjonen, utforska ho fleire sjangrar undervegs.
Verk
endre- 1890: Folk – skuespill i tre akter, Cammermeyer
- 1912: De syv eventyr – med illustrasjoner av Arnold Thornam, Aschehoug
- 1915: St. Peters nøkkel, Aschehoug
- 1918: Som træ om høsten, Aschehoug
- 1920: Grungs i Fossegaarden, Aschehoug
- 1927: Renæssancens Florens – av Mediciernes krønike, Aschehoug
- 1930: Siena – synderes og helgeners by, Aschehoug
Kjelder
endre- ↑ "Norway Baptisms, 1634-1927," database, FamilySearch (https://familysearch.org/ark:/61903/1:1:NWB5-372 : 10 February 2018), Asta Knudsen, 04 Feb 1861; citing ; FHL microfilm 255,750.
- ↑ "Norway Marriages, 1660-1926," database, FamilySearch (https://familysearch.org/ark:/61903/1:1:NWSP-HP4 : 10 February 2018), Carl Gustaf Bolander and Asta Graah, 21 Nov 1889; citing Trefoldighet Menighet, Oslo, Akershus, Norway; FHL microfilm 255,762.
- Denne artikkelen bygger på «Asta Graah Bolander» frå Wikipedia på bokmål, den 11. november 2021.