Audna

Audna (Audnedalselva) renn gjennom Audnedalen i Vest-Agder gjennom Audnedal og Lindesnes kommunar. Audna har utspringet sitt i Grindheimsvatnet, går gjennom Øvre Øydnavatnet og Ytre Øydnavatnet og munnar ut i Sniksfjorden.

Audna
elv
Melhusfossen ligg midtveis i elva, i Lindesnes kommune
Nedslagsfelt	450 km²
Lengd	55 km
Middelvassføring	20 m³/s
Kjelde	Grindheimsvatnet
Munning	Sniksfjorden
Audna 58°3′28″ N 7°16′45″ E
Wikimedia Commons: Audna

Audna er 55 km lang. Det er laks og sjøaure på ei 30 km lang strekning frå Bustad og opp til utløpet av Ytre Øydnavatnet.

Nedbørfeltet er på 450 km² og middelvassføringa er 20 m³/s.

Den stadeigne laksestamma i Audna gjekk til grunne tidleg på 1970-talet. Eit kalkingsprosjekt starta i 1985. Målet var å bygge opp ei ny laksestamme. Dette målet er nådd og laksestamma vert no opprettheldt gjennom naturleg reproduksjon.

I 2004 vart det fiska 2,4 tonn laks og 219 kg sjøaure i Audna.

Kjelder

• Denne artikkelen bygger på «Audna» frå Wikipedia på bokmål, den 2. mai 2008.

Denne geografiartikkelen som har med Vest-Agder å gjere er ei spire. Du kan hjelpe Nynorsk Wikipedia gjennom å utvide han.