Auguste Piccard
Auguste Antoine Piccard (28. januar 1884–24. mars 1962) var ein sveitsisk forskar og oppfinnar. I 1953 konstruerte han batyskaf, eit undervassfartøy som sonen hans, nokre år seinare, skulle bruke til å dykke til botnen av Marianegropa med.[1] Tidlegare dreiv han meteorologiske observasjonar ved hjelp av sine mange ballongferder.
| Auguste Piccard | |||
 | |||
| Fødd | Auguste Antoine Piccard 28. januar 1884 Basel, Sveits | ||
|---|---|---|---|
| Død | 24. mars 1962 (78 år) Lausanne, Sveits | ||
| Nasjonalitet | Sveitsisk | ||
| Område | fysikk, oseanografi | ||
| Yrke | Forskar | ||
| Alma mater | Eidgenössische Technische Hochschule Zürich Universitetet i Basel | ||
| Barn | Jacques Piccard | ||
Piccard utdanna seg ved det føderale instituttet for teknologi i Zürich og vart fysikar ved Det frie universitetet i Brussel i 1922. I 1930 konstruerte han aluminiumgondolen som tok av frå Augsburg i Tyskland 27. mai 1931 og brakte han og Paul Kipfer opp til 15 781 meters høgd i atmosfæren for å måle kosmisk stråling. Den 18. august 1932 nådde Piccard og Max Cosyns 16 940 meter frå Dübendorf i Sveits. Piccard gjennomførte 27 ballongferder, helt opp til 23 000 meter. Etter andre verdskrig byrja han med djupdykking. I 1953 gjekk han ned til 3150 meter med gondolen Bathyscaphe Trieste.
Piccard sine ballongferder har vore særs viktig for meteorologifaget.[2] Han var professor i fysikk og meteorologi, og det var interessa for kosmisk stråling som brakte han opp i stratosfæren.[2] Piccard var eit multitalent og engasjerte seg seinare i havforsking. Erfaringane frå ballongferda brukte han no til å dykke ned i havdjupet.[2]
Han var far til forskaren Jacques Piccard og tvillingbror til kjemikaren Jean Piccard.
Piccard i populærkulturen
endrePiccard var inspirasjonskjelde for figuren Professor Calculus (i Noreg kjent under namnet Professor Tryphon Tournesol), som er ein av gjennomgangsfigurane i den belgiske teikneserien Tintin.[3] Han var òg inspirasjonskjelde (saman med tvillingbroren) for Star Trek-figuren Jean-Luc Picard.[4][5]
Kjelder
endre- Denne artikkelen bygger på «Auguste Piccard» frå Wikipedia på bokmål, den 9. april 2012.
- Wikipedia på bokmål oppgav desse kjeldene:
- ↑ SNL - batyskaf
- ↑ 2,0 2,1 2,2 VG - VÆRETS GANG (28.5.1999) «Han var professor i fysikk og meteorologi, og det var interessen for kosmisk stråling som brakte ham opp i stratosfæren. Men Piccard var et multitalent og engasjerte seg senere i havforskning.» (Siri Kalvig)
- ↑ Horeau, Yves The Adventures of Tintin at Sea 1999, English translation 2004 for the National Maritime Museum, published by John Maurray, ISBN 0719561191. Chapter on Outside characters drawn into the Adventures.
- ↑ University of California, Berkeley et al. [and informal sources on Jean Piccard talk page] (2003). «Living With A Star: 3: Balloon/Rocket Mission: Scientific Ballooning». The Regents of the University of California. Arkivert frå originalen 26. juni 2010. Henta 9. april 2012.
- ↑ Piccard, Elizabeth (23. januar 2004). «Talk of the Nation: Science on Stage». National Public Radio. Henta 9. april 2012.