Azar Karadaş

Azar Karadaş
Personleg informasjon
Fødd	9. august 1981
Fødestad	Nordfjordeid
Høgd	187 cm
Posisjon	Spiss/midtstoppar
Ungdomsklubbar
	Eid IL
Seniorkarriere*
Landslag
	* Seniorklubbkampar og mål berre telt for nasjonal liga og oppdatert 19. oktober 2007; ‡ Landslagsmål oppdatert 19. oktober 2007

Azar Karadaş (fødd 9. august 1981 i Nordfjordeid) er ein norsk tidlegare fotballspelar som har spelt for m.a. for Brann og Sogndal Fotball. Azar Karadaş har òg tyrkisk statsborgarskap.

Etter ein turbulent 2001-sesong med Brann, gjekk Karadaş overraskande til Rosenborg 13. mars 2002, ein overgang som elles gjorde seg bemerka for dei rasande reaksjonane som han vakte i Bergen. Karadaş vart seld vidare frå Rosenborg til Benfica for 15,3 millionar kroner hausten 2004. Karadaş slo aldri skikkeleg gjennom i Portugal, og vart leigd ut til Portsmouth hausten 2005. Heller ikkje her fekk han mykje tillit. I januar 2006 gjekk det rykter om at Karadaş var på veg tilbake til Brann. I juni 2006 melde den portugisiske avisa Record at Brann hadde bydd 12 millionar kroner for Karadaş. 10. juni stadfesta Karadaş overfor BA at han hadde takka nei til klubbane Anderlecht og Dynamo Moskva.^[1] 16. juni vart det offentleg at Karadaş igjen skulle vere klar for Brann, men Benfica ville ikkje gje han nokre bonusar og overgangen gjekk ikkje som planlagt. Karadaş reiste tilbake til Benfica og var der ei lita stund før det vart klart at han skulle lånast ut eitt år til Kaiserslautern i tysk 2. Bundesliga. Opphaldet i Kaiserslautern vart ingen suksess, og han fekk òg diagnosen kronisk utmattingssyndrom.^[2] Tidleg i august 2007 vart det kjend at Karadaş var i samtalar med Brann om ein overgang^[3] 24. august 2007 signerte Karadaş ein ny kontrakt med SK Brann som går ut 2010-sesongen. Brannsupportarane som ytra sterk misnøye då han gjekk til Rosenborg møtte han med ein stor banner med «Vi hatet deg så mye, fordi vi elsker deg så høyt!»^[4] I 2009 forlot han Brann igjen og reiste til Tyrkia og Kasımpaşa Spor Kulübü. Der sikret han opprykk til Super Lig for laget sitt i 2012 sesongen. I Auguat 2012 vente han tilbake til heimfylket sitt og speler no for Sogndal i Tippeligaen.

Merittar

Seriemeistar med Rosenborg i 2002, 2003, 2004 og Brann i 2007. Noregsmeistar med Rosenborg i 2003. Seriemester i Portugal med Benfica 2004-2005.

Landskampar

U-15: 7 kampar, 1 mål
U-17: 10 kampar, 2 mål
U-18: 6 kampar, 2 mål
U-19: 3 kampar
U-21: 33 kampar, 12 mål
A: 9 kampar, 3 mål^[5]

Fotnotar

↑ BA - Sa nei til toppklubber
↑ Spelarprofil hos Brann, arkivert frå originalen 25. oktober 2007, henta 22. oktober 2007
↑ Nettavisen - Karadas i Brann-samtaler 07.08.07, arkivert frå originalen 24. oktober 2007, henta 22. oktober 2007
↑ bt.no - «Vi hatet deg så mye, fordi vi elsker deg så høyt!». Brann vann serien i 2007 etter å ha dominert stort i serien., arkivert frå originalen 10. mars 2012, henta 22. oktober 2007
↑ Spelardata frå Noregs Fotballforbund

[1] BA - Sa nei til toppklubber

[2] Spelarprofil hos Brann, arkivert frå originalen 25. oktober 2007, henta 22. oktober 2007

[3] Nettavisen - Karadas i Brann-samtaler 07.08.07, arkivert frå originalen 24. oktober 2007, henta 22. oktober 2007

[4] bt.no - «Vi hatet deg så mye, fordi vi elsker deg så høyt!». Brann vann serien i 2007 etter å ha dominert stort i serien., arkivert frå originalen 10. mars 2012, henta 22. oktober 2007

[5] Spelardata frå Noregs Fotballforbund

[1]

[2]

[3]

[4]

[5]