Bardsey Island
Bardsey Island (walisisk Ynys Enlli, 'øya i straumane'[1]) er ei øy som ligg 3 km utanfor Llŷnhalvøya i området Gwynedd i Wales.[2] Ho er 400 meter brei og 1,6 km lang. Nordaustsida av øya stig bratt opp frå sjøen til ei høgd på 167 meter over havet ved Mynydd Enlli,[3] medan vestsida er låg og relativt flatt oppdyrka jordbruksland.[4] Sidan 1974 har øya høyrt til Aberdaron.[5]
| Bardsey Island Lokalt namn Ynys Enlli | |
|---|---|
 Bardsey Island sett frå Mynydd Mawr | |
| Geografi | |
  | |
| Stad | Irskesjøen |
| Koordinatar | 52°45′40″N 4°47′05″W / 52.76107°N 4.78469°W
|
| Høgaste punkt | Mynydd Enlli (167 moh.)
|
| Administrasjon | |
| Land | Wales |
| Hovudområde | Gwynedd
|
Øya har vore ein viktig religiøs stad sidan den heilage Cadfan bygde eit kloster her i 516.[6] I mellomalderen var det eit stort pilegrimssenter og frå 1212 høyrte det til dei augustinske Canons Regular.[7] Klosteret vart øydelagd av Henrik VIII i 1537,[8] men øya har heldt fram som pilegrimsmål heilt fram til våre dagar.[8]
Bardsey Island er i dag kjend for dyrelivet og det kuperte landskapet. Det vart oppretta eit fugleobservatorium her i 1953, hovudsakleg fordi øya ligg midt i trekkfuglruta.[9] Her finn ein viktige fuglar i Europa, som havlire og alpekråke, samt sjeldne planter og habitat som ikkje er øydelagde av moderne jordbruk.[10] Det er ein av dei beste stadane i Gwynedd for å sjå gråsel; og farvatnet rundt øya trekkjer til seg delfinar og niser.[9]
Andelegdomen og heilagdomen ved øya, den relativt aude plasseringa og at ho i følgje segna er gravstaden til kong Arthur, har gjort at ho har ein spesiell plass i kulturlivet i Wales. Ho har trekt til seg mange kunstnarar, forfattarar og musikarar.[11] Ho har inspirert til prisvinnande litteratur[12] og trekt til seg internasjonal kjende songarar.[13]
Kjelder
endre- Denne artikkelen bygger på «Bardsey Island» frå Wikipedia på engelsk, den 25. mars 2010.
- Wikipedia på engelsk oppgav desse kjeldene:
- ↑ Samuel Lewis, A Topographical Dictionary of Wales, 1849, S Lewis and Co, London, 474 s.
- ↑ «Bardsey Island», Encyclopaedia Britannica. Henta 25. mars 2010
- ↑ «Cycle Ride from Aberdaron», Cycling North Wales. Henta 25. mars 2010
- ↑ «Bardsey» Arkivert 2010-02-16 ved Wayback Machine., Gwynedd Archaeological Trust. Henta 25. mars 2010
- ↑ «Election Maps: Gwynedd», Ordnance Survey. Henta 25. mars 2010
- ↑ «Island of 20,000 Saints», BBC. Henta 25. mars 2010
- ↑ «Bardsey Island», Institute of Archaeology, University College London. Henta 25. mars 2010
- ↑ 8,0 8,1 «The Island : History» Arkivert 2011-07-26 ved Wayback Machine., Bardsey Island Trust. Henta 25. mars 2010
- ↑ 9,0 9,1 «Wildlife Haven», BBC. Henta 25. mars 2010
- ↑ «Core Management Plan Including Conservation Objectives for Clogwyni Pen Llŷn SAC», Countryside Council for Wales. Henta 25. mars 2010
- ↑ Bardsey Island Trust: Enlli and the Arts Arkivert 2016-06-24 ved Wayback Machine. Henta 25. mars 2010
- ↑ British Broadcasting Corporation (24. mai 2009): «Singer-songwriter Wins Book Prize» Henta 25. mars 2010
- ↑ Daily Telegraph (11. september 2008): «Bryn Terfel: Why I Nearly Fled the Last Night» Henta 25. mars 2010
