Bartlesville i Oklahoma
Bartlesville er ein amerikansk by som ligg i Washington County i Oklahoma. Ved folketeljinga i 2020 var folketalet 37 290.[2] Byen dekkjer eit areal på 58,99 km². Caney River renn gjennom Bartlesville.
| Bartlesville | |||
| by | |||
 | |||
| Land |  USA
| ||
|---|---|---|---|
| Stat | Oklahoma | ||
| Fylke | Washington County | ||
| Areal | 58,988275 km² | ||
| Folketal | 37 290 (1. april 2020)[1] | ||
 Bartlesville i Oklahoma 36°44′50″N 95°57′34″W / 36.747222222222°N 95.959444444444°W | |||
| Wikimedia Commons: Bartlesville, Oklahoma | |||
Bartlesville ligg 47 mile (76 km) nord for Tulsa og 18 mile (29 km) sør for delstatsgrensa til Kansas. Han er administrajsonsstad for Washington County.[3] Ein del av busetnaden i Bartlesville ligg i nabofylket Osage County.
Bartlesville er kjend som langvarig hovudkvarter for Phillips Petroleum Company. Frank Phillips grunnla Phillips Petroleum i Bartlesville i 1905 då området framleis var Indian Territory. Selskapet blei slått saman med Conoco til ConocoPhillips og seinare delt opp att i to ulike føretak, Phillips 66 og ConocoPhillips. Begge føretaka har halde noko av verksemda i Bartlesville, men dei har flytta hovudkontora til Houston i Texas.
Området er ein av to stader i Oklahoma der ein lenapestamme bur, den andre er i Anadarko.[4]
Byen har namn etter Jacob Bartles, ein kvit svigerson av lenapehovdingen Charles Journeycake, som flytta hit frå Wyandotte County i Kansas i 1873. Han slo seg fyrst ned ved Silver Lake, ein innsjø sør for dagens Bartlesville. I 1874 opna han ein handelsstasjon og postkontor ved Turkey Creek, i dagens East Bartlesville. Han utvida med å byggja om ei mølle, ei krambu, eit herberge, ei smie og ein stall. Bartles fekk etterkvart også elektrisitet, telefon og vasstilførsel til staden som fyrst blei kjend som «Bartles Town».[5]
Kjelder endre
- ↑ 1,0 1,1 1,2 1,3 https://data.census.gov/cedsci/table?t=Populations%20and%20People&g=0100000US,%241600000&y=2020; vitjingsdato: 1. januar 2022.
- ↑ «Census - Geography Profile: Bartlesville city, Oklahoma». Henta 15. desember 2021.
- ↑ «Find a County». National Association of Counties. Arkivert frå originalen 12. juli 2012. Henta 7. juni 2011.
- ↑ "Delaware (Lenape)." Arkivert 2015-02-25 ved Wayback Machine. USGenWeb. 2. jnuar 2015. Henta 24. februar 2015.
- ↑ May, Jon D. "Bartlesville." Encyclopedia of Oklahoma History and Culture. Retrieved January 15, 2012.
- Denne artikkelen bygger på «Bartlesville, Oklahoma» frå Wikipedia på engelsk, den 20. desember 2021.
