Batman i Tyrkia
Batman (kurdisk Êlih) er ein by Søraust-Anatolia i Tyrkia og administrasjonsstad i provinsen Batman. Han ligg på eit platå, 540 meter over havet, nær samløpet mellom elvane Batman-elva og Tigris. Batı Raman-oljefeltet, som er det største oljefeltet i Tyrkia, ligg like utanfor byen. Batman har ein lokal flyplass og ein militær flybase, som vart nytta i søk- og redningsoperasjonar under Golfkrigen.
| Batman | |||
| Êlih | |||
| by | |||
.jpg) | |||
| Land |  Tyrkia
| ||
|---|---|---|---|
| Region | Søraust-Anatolia | ||
| Provins | Batman | ||
| Høgd | 540 moh. | ||
| Koordinatar | |||
| Areal | 4 654 km² | ||
| Folketal | 298 342 | ||
| Folketettleik | 64 / km² | ||
| Borgarmeister | Nejdet Atalay | ||
| Postnummer | 72x xx | ||
| Retningsnummer | 0488 | ||
| Bilnummer | 72 | ||
 Batman i Tyrkia | |||
  | |||
| Wikimedia Commons: Batman (city) | |||
| Nettstad: http://www.batman-bld.gov.tr/ | |||
Fram til 1950-åra var Batman ein landsby kalla Iluh med kring 3000 innbyggjarar. Då oljefelta vart oppdaga i 1940-åra førte det til rask utvikling i området og mange arbeidarar flytta inn frå andre delar av Tyrkia. I 1957 fekk landsbyen namnet Batman, kalla opp etter elva, og fekk bystatus. I løpet av dei neste 50 åra har byen vokse kraftig. Ei 511 km lang oljerøyrleidning vart bygd i 1967 frå Batman til hamnebyen Dörtyol nær det austlegaste punktet i Middelhavet for å transportere råolje frå raffineriet i Batman. I 1990 vart byen hovudstad i provinsen Batman.
Utanom olja, som er den dominerande næringa i regionen, produserer Batman drikkevarer, ferdigmat, kjemikaliar, møblar, sko, maskineri og transportutstyr. Det vart opna eit universitet i byen i 2007.
Geografi og klima Endra
Batman er bygd på eit flatt platå 540 meter over havet. Det er nesten ingen skog i og kring byen. Elva Iluh, ei sideelv til Batman-elva, renn gjennom byen. Byen har fleire gonger vorte råka av flaum, mellom anna i 1969, 1972, 1991, 1995 og 2006 (då 11 menneske omkom).[1][2]
Batman har eit halvtørt kontinentalklima. Vintrane er kalde og fuktige, med mykje nedbør. Somrane er varme og tørre med temperaturar over 35 °C. I snitt har Batman mange solskinstimar.[1]
| Klimadata for Batman | |||||||||||||
|---|---|---|---|---|---|---|---|---|---|---|---|---|---|
| Månad | Jan | Feb | Mar | Apr | Mai | Jun | Jul | Aug | Sep | Okt | Nov | Des | År |
| Varmerekord °C | 16.4 | 23.5 | 30.6 | 35.8 | 38.5 | 43.0 | 46.5 | 45.4 | 43.8 | 37.0 | 28.3 | 22.6 | 46,5 |
| Normal maks. temp. °C | 7.6 | 10.8 | 15.9 | 21.7 | 27.7 | 34.9 | 39.6 | 39.2 | 34.5 | 26.6 | 16.8 | 9.6 | 23,74 |
| Normal min. temp. °C | -1.6 | 0.2 | 3.9 | 8.3 | 11.9 | 16.6 | 20.8 | 20.1 | 15.3 | 7.1 | 5.3 | 0.4 | −1,6 |
| Kulderekord °C | -24.0 | -16.0 | -17.0 | -9.0 | 0.9 | 5.7 | 11.8 | 11.5 | 4.4 | -3.0 | -6.4 | -23.0 | −24 |
| Nedbør (mm) | 56.3 | 66.3 | 74.7 | 68.5 | 40.1 | 8.8 | 0.9 | 2.2 | 4.1 | 28.2 | 55.7 | 62.2 |
|
| % relativ fukt | 80 | 78 | 70 | 66 | 63 | 41 | 29 | 30 | 34 | 54 | 71 | 81 | 58,1 |
| Normal mengd regndagar | 11.0 | 10.7 | 11.5 | 11.4 | 7.8 | 2.4 | 0.5 | 0.4 | 1.0 | 5.8 | 8.1 | 10.4 | 81 |
| Normale månadlege solskinstimar | 102.3 | 123.2 | 176.7 | 219 | 297.6 | 357 | 381.3 | 356.5 | 303 | 220.1 | 153 | 93 | 2 782,7 |
| Kjelde nr. 1: Devlet Meteoroloji İşleri Genel Müdürlüğü[3] | |||||||||||||
| Kjelde nr. 2: Weatherbase[4] | |||||||||||||
Kjelder Endra
- Denne artikkelen bygger på «Batman, Turkey» frå Wikipedia på engelsk, den 22. august 2012.
- Wikipedia på engelsk oppgav desse kjeldene:
- ↑ 1,0 1,1 Balaban, 147–149
- ↑ Balaban, 157: there is a likely misprint on p. 149 and the number of killed was 11 rather than 100
- ↑ İl ve İlçelerimize Ait İstatistiki Veriler- Meteoroloji Genel Müdürlüğü. Dmi.gov.tr. Retrieved on 2011-02-12.
- ↑ http://www.weatherbase.com/weather/weatherall.php3?s=191541&refer=&units=us&cityname=Batman-Turkey