Beitedine
Beit ed-Dine (arabisk بيت الدين, tyder «Religionshuset») er ein liten libanesisk by i Chouf distrikt, kring 50 km søraust for Beirut og nær byen Deir el-Qamar som han er skild frå av ein bratt dal. Byen er kjend for det storslagne Beiteddinepalasset som husar Beiteddinefestivalen kvar sommar.
| Beit ed-Dine | |||
| بيت الدين | |||
| by | |||
 Beiteddinepalasset
| |||
| Land |  Libanon
| ||
|---|---|---|---|
| Guvernement | Libanonfjella guvernement | ||
| Distrikt | Chouf distrikt | ||
| Koordinatar | 33°41′43.97″N 35°34′45.13″E / 33.6955472°N 35.5792028°E | ||
| Tidssone | EET (UTC+2) | ||
| - Sommartid | EEST (UTC+3) | ||
| Retningsnummer | +961 | ||
 Beitedine 33°41′39″N 35°34′51″E / 33.694166666667°N 35.580833333333°E | |||
  | |||
| Wikimedia Commons: Beiteddine | |||
Den lokale emiren Bashir Chehab II, som seinare vart utpeikt som herskar over Libanonfjella, starta å byggje palasset i 1788 der det hadde lege ein drusisk eremitasje. Det tok kring 30 år å byggje palasset ferdig. Dei beste handverkarane frå Damaskus og Aleppo, i tillegg til italienske arkitektar vart inviterte og gjevne mykje fridom, så stilen er ei blanding mellom tradisjonell arabisk og italiensk barokk.
Etter 1840, då Bashir vart send i eksil, vart palasset nytta av osmanarane som eit regjeringsbygg, og under Det franske mandatet fungerte det som bygg for den lokale administrasjonen. I 1934 vart det erklært eit nasjonalmonument. I 1943 erklærte Bechara El Khoury, den første libanesiske presidenten, bygningen som offisiell sommarresidens for presidenten. Under den libanesiske borgarkrigen vart palasset kraftig øydelagd. Etter 1984, då kampane i området avtok, gav Walid Jumblatt ordre om å restaurere bygget. Delar av palasset er i dag ope for ålmenta, medan resten framleis er sommarresidens for presidenten.
Bashir bygde tre palass til i byen for sønene sine, men i dag har berre Mir Amin-palasset overlevd og er i dag eit luksuriøst hotell.
Kjelder endre
- Denne artikkelen bygger på «Beitedine» frå Wikipedia på engelsk, den 17. september 2014.
- Wikipedia på engelsk oppgav desse kjeldene: