August Skeibrok
Berner August Berntsson Skeibrok (fødd 2. januar 1882, d. 13. oktober 1950 ) var ein norsk gardbrukar og stortingsmann frå Lista.
| August Skeibrok | |
| Statsborgarskap | Noreg |
| Fødd | 2. januar 1882 Lista kommune |
| Død |
13. oktober 1950 (68 år) |
| Yrke | politikar, bonde, forretningsdrivande |
| Politisk parti | Høgre |
Skeibrok var son til ein gardbrukar. Sjølv var han i 1900/01 elev ved Kystartilleriets underoffisersskule i Kristiansand før han reiste til Nord-Amerika. Åra 1907-12 dreiv han eiga forretning i Brooklyn i New York. Han reiste i 1912 tilbake til Lista, der han slo seg ned som gardbrukar i Kjørrefjord.
Frå 1916 var Skeibrok medlem i Lista heradsstyre, ordførar 1925-31 og på ny i 1948. Han var også forlikskommissær, medlem i liknings- og overlikningsnemnda og hadde elles fleire andre kommunale tillitsverv i Lista herad.
Skeibrok representerte i tida 1931-45 valkrinsen Vest-Agder og partiet Høgre på Stortinget, heile tida var han medlem i Landbrukskomiteen.