Bilbrev

Bilbrev er eit heimseldokument i form av eit byggesertifikat som stadfestar at eit fartøy vil byggjast av verftet til eigar. Slike dokument var i vanleg bruk på 1600- og 1700-talet for å dokumentera panterett i eit skip som var under bygging. Bilbrevet vart utskrive til ein person som hadde bidrege med pengar til bygginga av skipet. Føremålet var å gje tryggleik for investeringa. I seinare tid vert bilbrev brukt om ein attest – skipsbyggingsattest – utskrive på tru og ære av skipsbyggmeisteren. Etymologisk kjem ordet frå lågtysk, bielbref

I bilbrevet finn ein namn på verftet, bygge nr og namn på kjøpar. Det skal og innhalde opplysningar om fartøyet, som namn, kjennemerke, byggeår, storleik, byggemateriale og framdriftsmiddel.

Frå 1860 vart bilbrev utskrivne av magistrat eller sorenskrivar. Frå 1901 hadde notarius publicus denne oppgåva.

Bergen Byarkiv tek vare på skipsbyggingsattestar. Attestane finn ein i arkivet etter Magistraten. Materialen dekker tidsrommet 1749–1902.

Kjelder

• Kiil, Alf: Arkivkunnskap. Statsarkiva. Universitetsforlaget 1969

---

• Denne artikkelen bygger på «Bilbrev» frå Wikipedia på bokmål, den 31. juli 2020.

Bakgrunnsstoff

• Bilbrev - oppslagsverket oVe, artikkel av Åsta Vadset, Bergen Byarkiv.
• Bilbrev frå Skipsregisterne Arkivert 2006-10-08 ved Wayback Machine.