Bjørg Krane Bostad
Bjørg Krane Bostad (fødd 31. januar 1948) er ein norsk organisasjonsleiar og statstenestekvinne, som var leiar i Norsk Kvinnesaksforening frå 1992 til 1994.
| Bjørg Krane Bostad | |
| Statsborgarskap | Noreg |
| Fødd | 31. januar 1948 (76 år) |
| Yrke | embetsmann |
Liv og virke
endreBostad er utdanna i statsvitskap ved Universitetet i Oslo[1] og var tilsett hos Forbrukarombodet frå 1980. Ho var sentral i oppbygginga av det statlege likestillingsapparatet, som fagansvarlig hos Forbrukarombodet for å handheve det då nye forbodet mot kjønnsdiskriminerande reklame i likestillingslova. Ho var seinare komitésekretær for Stortingets familie- og kulturkomité.[2]
Bostad var aktivt engasjert i Amnesty International, og var styremedlem i Amnesty Noreg frå 1986 til 1990.[3] Ho var også leiar for asylutvalet til Amnesty.
Bostad var 1. nestleiar i Norsk Kvinnesaksforening 1990–1992 og leiar 1992–1994.[4] Frå 1990 til 1995 var ho også medlem av Utvalet for menneskerettar, eit offentleg utval oppnemnd av Utanriksdepartementet.[5]
Bostad flytta til Sør-Afrika i 2000, der ho eigde eit firma som organiserte safariturar i den sørlege delen av det afrikanske kontinentet. Ho var også ein av initiativtakarane til eit prosjekt for foreldrelause barn i Sør-Afrika.[6]
Kjelder
endre- ↑ Stortingsforhandlinger 1983/84, del 3, s. 160
- ↑ «Bjørg Krane Bostad». NKF.
- ↑ Amnesty International Norges styrer 1964–2000 Arkivert 2016-09-21 ved Wayback Machine., Amnesty International
- ↑ Elisabeth Lønnå: Stolthet og kvinnekamp: Norsk kvinnesaksforenings historie fra 1913 (s. 336), Gyldendal Norsk Forlag, 1996, ISBN 8205244952
- ↑ «Bjørg Krane Bostad». Forvaltningsdatabasen. Arkivert frå originalen 5. august 2016. Henta 25. mars 2023.
- ↑ «Det gode liv på glanset papir», Oppland Arbeiderblad, 7. februar 2002
- Denne artikkelen bygger på «Bjørg Krane Bostad» frå Wikipedia på bokmål, den 25. mars 2023.