Blodrips
Blodrips (Ribes sanguineum) er ein lauvfellande busk i ripsfamilien som kjem frå Nord-Amerika. Han har bær som kan etast, men blir hovudsakleg dyrka som prydbusk på grunn av dei iaugefallande, klaseforma blomane sine som typisk er rosa.
| Blodrips | |
 Blodrips | |
| Systematikk | |
| Rike: | Planteriket Plantae |
| Overrekkje: | Landplantar Embryophytes |
| Rekkje: | Karplantar Tracheophytes |
| Underrekkje: | Frøplantar Spermatophytes |
| Orden: | Sildreordenen Saxifragales |
| Familie: | Grossulariaceae |
| Slekt: | Ripsslekta Ribes |
| Art: | Blodrips R. sanguineum |
| Vitskapleg namn | |
| Ribes sanguineum | |
Blodripsbusken kan bli 1-3 meter høg. Han har krokete greiner med raudbrun bork. Blada sit motsett på greinene og er 26-6 cm breie. Dei har som regel fem flikar og er grøne på oversida og lysare og meir hårete på undersida. Også nye skot er hårete.
Blodrips blomstrar typisk i april-mai. Blomane sit i klasar med 10-20 eller fleire blomar i kvar. Dei er som regel rosa, men fargen kan variera frå raudt til kvitt i ulike typar. Frukta er blåsvarte runde bær med ei lengd på 7-9 mm, og kjem i juni-juli. Bæra kan etast, men er ikkje rekna som svært tiltalande. Dei blei brukt til mat av fleire nordvestamerikanske urfolk.
Planten stammar frå vestlege kystområde av Nord-Amerika, dagens British Columbia, Washington, Oregon, Idaho og California i USA og Canada. Han er hardfør til USDA-sonene 6-8.
Blodrips blei teken i bruk som dyrka plante av den britiske botanikaren David Douglas på 1800-talet. Det finst fleire variantar med ulike fargar på blomane.
Kjelder
endre- «Ribes sanguineum (red-flowering currant)» Arkivert 2014-03-21 ved Wayback Machine., Native Plant Propagation Guidelines: shrubs, Garry Oak Ecosystems Recovery Team Society.
- «Ribes sanguineum», Rainy Side Gardeners
- «Blodrips» (14. februar 2009), Store norske leksikon.
