Wikipedia

Blommenholm

Blommenholm er eit tettbygt villastrøk som ligg mellom Sandvika og Høvik i Bærum kommune, 11 km sørvest for Oslo.

Blommenholm
strøk
Land  Noreg
Fylke Akershus
Kommune Bærum
Kart
Blommenholm
59°54′N 10°33′E / 59.9°N 10.55°E / 59.9; 10.55
Wikimedia Commons: Blommenholm
Blommenholm gård, 1925.

Blommenholm består i dag av fleire område: Bjerkåsen, Preståsen, Engerjordet, Sjøholmen, og dessutan delar av Sandviksåsen og Løkkeåsen i tillegg til dei opphavlege jordene rundt gamle Blommenholm hovudgard. Strøket ber preg av villaer med store hagar, sjølv om det dei siste åra har vorte ei vesentleg fortetting. Det er fleire grøntareal i området, spesielt kan nemnast Birkelunden og våtmarka rundt Engervannet. Engervannet. Per 2015 budde det drygt 3200 personar fordelte over 18 gater i området dekte av postadressa 1365 Blommenholm.[1]

Blommenholm skule er frå 1963 og vart utvida i 1972 og 2002.[2] Skulen ligg der hovudgarden med hagar låg inntil våningshuset brann i 1956. Det er per 2015 ca. 315 elevar ved skulen,[3] og elevane går over til Ramstad skule etter 7. klasse.

Høvik Blommenholm Løkeberg skulekorps er det lokale skulekorpset med rundt 90 medlemmer rekrutterte frå dei tre barneskulane. Korpset vart stifta i 1924.[4]

Lokaltoget på Drammenbanen stansar på Blommenholm stasjon, bygde i 1909. Det er i dag ingen butikkar på Blommenholm, men tidlegare var det ein kolonialbutikk ovanfor Engerjordet. Blommenholm skule ligg i Halvorsens vei 2.

Blommenholm og Sandvika Tennisklubb, stiftet 1933, eig ein av Noregs største tennisanlegg ved Engervannet, med Nordens største hall vinterstid. 

Ved Solvikbukten ligg Blommenholm Båtforening som vart stifta 1949. Foreningen hadde i 2015 bryggje- og opplagsplass til rundt 500 båtar.[5]

Historie

endre

Blommenholm har opphavet sitt i areala underlagt Blommenholm hovudgard. Garden heitte tidlegare Uxahǫfuð og vart rydda i eldre jernalder.[6] Uxahǫfuð blei første gong nemnt i eit vitnebrev frå 1365, der Jon Thoraldsson bytte til seg ein part i Uxahǫfði.[7] Gardsbruket blei så skilt ut frå Nesøygodset. Namnet «Uxahǫfði» kjem kanskje av profilen til Sandviksåsen, som kan minna om eit oksehovud. Første gongen namnet Blommenholm (eg. Blommersholm) er skrive ned er i 1819-20 i forarbeidet til matrikkelen av 1838.[8] Namnet er ikkje sikkert forklart, men det er kanskje påverka av det svenske gardsnamnet «Blomsholm» i Bohuslen.[7][9]

I 1903 kjøpte Christian Homan Blommenholm hovudgard, og la tomter ut for sal. Mange tomter vart ikkje selde før Blommenholm stasjon vart bygd og Drammenbanen fullført i 1911. Same år vart Blommenholm vel stifta,[10] og vellet strekk seg i dag frå sjøen og Sjøholmen i sørvest, via Stasjonsveien i aust og til Engervannet og Engerjordet i nordaust. Mange tomter vart selde på slutten av 1930-talet, medan husa ofte ikkje vart oppførte før fleire år etter 2. verdskrig pga. byggjerestriksjonar og mangel på materiale i landet. Per 2015 var det 486 husstandar i vellet,[11] medan det på heile Blommenholm, som også inkluderer Engerjordet og deler av Løkkeåsen er rundt det dobbelte.

Kong Sverre skal ifølgje Sverresoga ha ridd med mennene sine gjennom området vinteren 1200. Mennene gøymde seg oppunder Sandviksåsen bak Engervannet, derav namnet Sverrestien på vegen langsmed åsen frå Sandvika mot Blommenholm skule.[12]

Kjelder

endre
  1. ↑ «1365 BLOMMENHOLM - Alt om boligområdet». www.hjemla.no. Henta 3. juli 2024. 
  2. ↑ «Arkivert kopi». Arkivert frå originalen 1. oktober 2015. Henta 20. desember 2012. 
  3. ↑ «Blommenholm skole : Informasjon om skolen». www.blommenholm.skole.no. Henta 14. oktober 2015. 
  4. ↑ «Om oss | Høvik Blommenholm Løkeberg skolekorps». hbl-korps.no. Henta 14. oktober 2015. 
  5. ↑ «Historikk». bbf.pressis.com. Arkivert frå originalen 3. oktober 2015. Henta 2. oktober 2015. 
  6. ↑ «Blommenholm – Store norske leksikon». Henta 2. oktober 2015. 
  7. ↑ 7,0 7,1 Halvdan Koht m.fl. (1961). «Frå Oksehoved til Blommenholm». Blommenholm vel 1911-1961. 
  8. ↑ «Digitalarkivet - Skannet arkivmateriale». arkivverket.no. Henta 2. oktober 2015. 
  9. ↑ Løvseth, Øystein (2011). Blommenholm i 100 år. Blommenholm vel. s. 29. ISBN 978-82-303-1855-3. 
  10. ↑ «Om Blommenholm vel | Blommenholm Vel». www.blommenholmvel.no. Henta 14. oktober 2015. 
  11. ↑ Charles Jensen (5. mars 2015). «Årsberetning 2014-2015 Blommenholm vel» (PDF). Henta 19. oktober 2015. 
  12. ↑ «Engervannet – Store norske leksikon». Henta 2. oktober 2015. 
Henta frå «https://nn.wikipedia.org/w/index.php?title=Blommenholm&oldid=3560980»