Bonne Gauguin
Ingeborg Kathrine Gauguin (28. november 1910–12. juli 1989), best kjend som Bonne Gauguin, var ein norsk skodespelar og dansepedagog.[1]
| Bonne Gauguin | |||
| Fødd | 28. november 1910 | ||
|---|---|---|---|
| Fødestad | Oslo | ||
| Død | 12. juli 1989 (78 år) | ||
| Dødsstad | Oslo | ||
| Fødenamn | Ingeborg Kathrine Jelstrup, Ingeborg Kathrine Jelstrup | ||
| Aktive år | 1930–1984 | ||
| Verka som | skodespelar, danseinstruktør | ||
| Ektefelle | Paul René Gauguin | ||
Gauguin var dotter av arkitekt Thomas Krenkel Jelstrup (1863-1917) og Emilie Constanse «Milly» (f. Winter-Hjelm) (1876-1955). Ho utdanna seg til dansepedagog i Tyskland. På 1930-talet flytta ho til Trondheim og debuterte ved Trøndelag Teater.
I 1941 gifta ho seg med biletkunstnaren Paul René Gauguin, som var scenograf ved Unge Trøndelag Teater 1939–1945. Dei flytta til Oslo i I 1946, der ho fekk engasjement ved Studioteatret. Ekteskapet vart oppløyst før 1950. Då Studioteatret vart nedlagt, byrja ho å arbeide ved Riksteatret og arbeidde også ved Folketeatret og i mindre grad ved Det norske teatret, Radioteatret, Fjernsynsteatret og i norske filmar. Ein av dei siste teaterframsyningane hennar var som læraren i Grease i regi av Stein Winge i 1984.[2]
Filmografi
endre- Fleksnes – Her har jeg mitt liv (1988) – pasient på helseklinikk (TV-serie)
- Helmer & Sigurdson – Solospill (1977) – Molly Smith (TV-serie)
- Åpenbaringen (1977) – Mor
- Fleksnes – Biovita Helsesenter (1974) – (pasient på helseklinikk) (TV-serie)
- Brannen (1973) – Kvinna
- Kanarifuglen (1973)
- Rødblått paradis (1971)
- Balladen om mestertyven Ole Høiland (1970) – Fru Konsmo
- Love Is War (1970) – Mora til Gro
- Selma Brøter (1970) (fjernsynsteater)
- Operasjon V for vanvidd (1970) – Fru Philipson
- Brent jord (1969) – Bestemora
- Reisen til havet (1966) – Johanne
- Om Tilla (1963)
- Bussen (1961)
- Ungen (1960) – Gurina Neger (fjernsynsteater)
- Jakten (1959)
- Ut av mørket (1958)
- Skøytekongen (1953)
- Det kunne vært deg (1952) – Fru Westberg
Kjelder
endre- ↑ «Bonne Gauguin». Aftenposten. 21. juli 1989. Henta 4. desember 2021.
- ↑ «Bonne Gauguin». Sceneweb. Henta 14. juli 2016.
- Denne artikkelen bygger på «Bonne Gauguin» frå Wikipedia på bokmål, den 3. mars 2023.