Brageteatret
Brageteatret AS – Regionteater for Buskerud er eit norsk teater som vart skipa i 2000. Det har Buskerud fylkeskommune og Drammen kommune som eigarar.
Teateret er eit ikkje-kommersielt aksjeselskap med tilhald på Union Scene på Grønland i Drammen, og har som føremål å tilby profesjonell scenekunst til heile fylket ved mellom anna å vere eit turneteater. Særleg skal teateret leggje vekt på born- og ungdomsperspektivet og eit fleirkulturelt perspektiv, og bidra til mangfald, kompetanseutvikling og generell styrking av heile kunst- og kulturfeltet i fylket.