Brighton Dome
Brighton Dome, lokalt berre kalla The Dome, er eit teater- og konserthus i Brighton i England. Huset opna dørene i 1867, men har historie tilbake til 1803. I dag har Brighton Dome ein konsertsal, eit studioteater og ein historisk kornbørs. Alle tre salane er knytta til det nærliggjande Royal Pavilion via ein underjordisk tunnel.
| Brighton Dome | |||
.jpg) | |||
| Opna | 24. juni 1867 | ||
|---|---|---|---|
 Brighton Dome 50°49′24″N 0°08′18″W / 50.8234°N 0.1384°W | |||
Bakgrunn
endreBrighton Dome blei bygd på bestilling frå dåverande prins Georg IV i 1803. Prinsen fekk arkitekt William Porden til å teikne eit stort kuppelforma bygg som skulle fungere som stall for hestane hans, samt ein kornbørs. Stallen hadde plass til 44 hestar og kuskane deira. Taket var ein stor kuppel – en dome – med diameter på 24 meter og høgde på 20 meter. Bygninga kosta 54 783 pund, og stallen blei opna i 1808.[1]
I 1850 selde dronning Victoria, niesa til Georg IV, eigedommen til Brighton by, og stallen fungerte som kavaleribrakker frå 1856 til 1864. Etter dette blei innsida fullstendig bygd om og opna 24. juni 1867 som ein konsert- og møtesal med plass til 2500 menneske. I 1867 blei også ridehuset pussa opp og gjort om til ein kornbørs. Det blei handat korn i bygget kvar torsdag fram til desember 1914, då bygninga blei gjort om til eit militærsjukehus og seinare til ein rulleskeisebane.[2]
Ein ny omfattande runde med oppussing skjedde i 1934 og 1935, og konsertsalen blei bygd om til slik han ser ut i dag. Salen har plass til 2100 publikummarar. Domen fekk også eit nytt pipeorgel, eit av dei mest kjente særtrekka til bygget.
Bruk
endreBrighton Dome er eit av dei største og mest kjende musikk- og teaterbygget i Sør-England. Årleg vert det arrangert over 600 konsertar, teater- og danseframsyningar, bokbad, filmar og skodespel her. I tillegg husar domen den årlege Brighton Festival.[3]
I 1974 blei Eurovision Song Contest arrangert i Brighton Dome, der Sverige og ABBA vann tevlinga med «Waterloo».[4]
Kjelder
endre- ↑ Dome, Brighton. «The Royal Stables & Riding House / History & Heritage / About / Brighton Dome». brightondome.org (på engelsk). Henta 2. september 2018.
- ↑ Dome, Brighton. «Cavalry Barracks to Concert Hall / History & Heritage / About / Brighton Dome». brightondome.org (på engelsk). Henta 2. september 2018.
- ↑ Dome, Brighton. «About us / About / Brighton Dome». brightondome.org (på engelsk). Henta 2. september 2018.
- ↑ «Final of Brighton 1974 - Eurovision Song Contest». eurovision.tv. Henta 18. september 2022.
- Denne artikkelen bygger på «Brighton Dome» frå Wikipedia på bokmål, den 9. mai 2022.