BroBizz
BroBizz er eit dansk system for elektronisk betaling i automatiske betalingsanlegg. BroBizz vart stifta i 2008 og vert utvikla og administrert av BroBizz A/S, eit heileigd dotterselskap av Sund & Bælt Holding A/S.[1]
| BroBizz | |||
.jpg) | |||
| Org.form | Aksjeselskap | ||
|---|---|---|---|
| CVR‑nummer | 31854822 | ||
| Skipa | 1. november 2008 | ||
| Morselskap | Sund & Bælt Holding | ||
| Dotterselskap | BroBizz Operatør | ||
| Hovudkontor | København | ||
| Land | Danmark | ||
| Nettstad | https://www.brobizz.com/ | ||
.jpg)
Ein BroBizz er ei trådlaus bombrikke som sikrar at ein kjem kjapt gjennom automatiske betalingsanlegg.[2] BroBizz kan brukast på Storebæltsambandet og Øresundbrua, på fleire ferjeruter og bomvegar, og dessutan til parkering på Billund- og Kastrup Lufthamn. Sund & Bælt er med i fellesføretaket (joint venture) EasyGo. Gjennom EasyGo-samarbeidet kan BroBizz brukast på automatiske betalingsanlegg i Skandinavia.[3] Norske AutoPASS er òg med i dette samarbeidet, og BroBizz-brikker kan dermed brukast i norske bomstasjoner.[4]
BroBizz A/S er det første skandinaviske selskapet som er registrert som EETS (European Electronic Toll Service)-utstedar. EETS-direktivet har som mål at ei elektronisk brikke, som til dømes ein BroBizz, skal kunna brukast for betaling på alle avgiftsbelagde vegar i EU.[5]
PayByPlate endre
Den 21. mars 2018 innfører BroBizz A/S automatisk skiltattkjenning, og det vert mogleg å nytta registreringsskiltet til identifisering. Med PayByPlate får ein tilgjenge til dei same fordelane som med ei BroBizz-brikke. I første omgang kan produktet utelukkande brukast på Storebæltbrua.
PayByPlate vert tilbydd danskregistrerte bilar under 3500 kg med vanlege registreringsskilt.[6]
Sjå òg endre
Kjelder endre
- ↑ mbe (15. januar 2015). «Om BroBizz A/S». BroBizz® (på dansk). Henta 17. februar 2018.
- ↑ mbm (15. januar 2015). «BroBizz® er sikker betaling». BroBizz® (på dansk). Arkivert frå originalen 18. februar 2018. Henta 17. februar 2018.
- ↑ lbo (15. januar 2015). «BroBizz® giver dig mange fordele». BroBizz® (på dansk). Arkivert frå originalen 17. februar 2018. Henta 6. mars 2018.
- ↑ «EasyGo - AutoPASS». www.autopass.no (på norsk).
- ↑ Thomsen, Lene Gebauer (22. september 2016). «BroBizz kvalitetsstämplas för användning i resten av Europa». BroBizz® (på svensk). Arkivert frå originalen 17. februar 2018. Henta 6. mars 2018.
- ↑ vvb (15. november 2017). «Velkommen til PayByPlate». BroBizz® (på dansk). Arkivert frå originalen 5. mars 2018. Henta 6. mars 2018.