Carl Paul Caspari

Carl Paul Caspari (18. februar 1814–11. april 1892) var ein tysk-norsk teolog og professor ved Universitetet i Oslo. Han var far til Theodor Caspari.

Carl Paul Caspari
Fødd	8. februar 1814 Dessau
Død	11. april 1892 Christiania
Nasjonalitet	Noreg
Yrke	essayist, historikar, omsetjar, teolog, universitetslærar, bibelomsetjar
Institusjonar	Universitetet i Oslo
Barn	Theodor Caspari
Medlem	Det Kongelige Norske Videnskabers Selskab Det Norske Videnskaps-Akademi

Gravstein over Caspari på Vår Frelsers gravlund i Oslo.

Liv og gjerning

Caspari var fødd i Dessau i Tyskland. Han hadde jødiske foreldre og voks opp med hebraisk språk og jødisk teologi. I studietida vart han påverka av Franz Delitzsch og konverterte til kristendommen i 1838.

I 1846 vart Caspari kjend med Gisle Johnson, som oppfordra han til å søkje på eit ledig lektorat i teologi ved Universitetet i Oslo. Denne stillinga fekk han i 1847 og vart fast tilsett i 1848. Han vart teologiprofessor i 1859.

I 1862 gav han saman med Gisle Johnson ut ei norsk oversetjing av Konkordieboka, som kom i nytt opplag i 1866, og seinare i fleire opptrykk.

Caspari var eit stort språkleg talent. Han verka ikkje som forkynnar, men brukte kreftene sine i polemikk mot den delen av grundtvigianismen som meinte trusvedkjenninga var eldre enn Det nye testamentet. Caspari arbeida ivrig for å halde på det lutherske skriftprinsippet. Mange av publikasjonane hans finst i «Theologisk Tidsskrift» i perioden 1858-1881.

I Oslo er Casparis gate oppkalla etter Carl Paul Caspari, den er på Ila og fekk namnet sitt i 1901 og går frå Akersbakken til Waldemar Thranes gate.

Verk i utval

• Grammatica Arabica, del 1 og 2 (1844, 1848)
• Abrahams prøvelse (1871)
• Abrahams kaldelse (1872)
• Populære foredrag over bogen Daniel (1877)
• Den gammeltestamentlige skrifts historie (1881)

Kjelder

• Denne artikkelen bygger på «Carl Paul Caspari» frå Wikipedia på bokmål, den 19. mai 2008.

Bakgrunnsstoff

• Omtale av Carl Paul Caspari Arkivert 2007-10-17 ved Wayback Machine.