Carsten Conradi
Carsten Balthazar Conradi (18. desember 1799–2. juli 1862) var ein norsk embetsmann og stortingsmann.
| Carsten Conradi | |||
 | |||
| Fødd | 18. desember 1799 | ||
|---|---|---|---|
| Død | 2. juli 1862 (62 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Conradi var fødd i Fredrikshald, der far hans var postmeister. Student vart han i 1822 og cand. jur. i 1827. Han var tilsett i justisdepartementet frå 1825 til -29, deretter auditør i artilleribrigaden i fire år. Frå 1833 var han assessor i Bergens stiftsoverrett, byfut i Bergen frå 1839. Sidan 1848 var han sorenskrivar i Lier.
Conradi representerte Bergen på Stortinget i 1836, på overordentleg storting 1836-37, og i 1839. I 1836 var han sekretær i kriminallovkomiteen og medlem av justiskomiteen, 1836-37 medlem av kriminallovkomiteen. Han var i 1839 sekretær i Lagtinget, formann i traktatskomiteen og sekretær i komiteen om brannvesenet i byane.
Han døydde i Drammen i 1862.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914