Citi Zēni
Citi Zēni er eit latvisk poprap-band som vart skipa i 2020. Gruppa har seks medlemmar, og dei slapp debutalbumet sitt i 2021. Året etter vann Citi Zēni songtevlinga Supernova på LTV med låten «Eat Your Salad». Som følgje av sigeren fekk dei representere Latvia i Eurovision Song Contest 2022.[1]
| Citi Zēni | |||
 | |||
| Aktiv | 2020– | ||
|---|---|---|---|
Bakgrunn endre
Citi Zēni vart skipa i mars 2020 under ein låtskrivarleir i Riga.[2] Året etter, i 2021, gav bandet ut debutalbumet Suņi iziet ielās.[3] Namnet på bandet kan omsetjast til 'andre guttar', og bandet beskriv seg sjølv som eit «sekspersoners musikknummer frå Aust-Europa, som kjøpslår innan alternativ einhyrningspop».[4]
I 2022 var Citi Zēni blant deltakarane i Supernova, den latviske uttakinga til Eurovision Song Contest. Der deltok dei med songen «Eat Your Salad».[5] Bandet gjekk vidare frå semifinalane og kvalifiserte seg til finalen 12. februar, der dei vann. Som følgje av sigeren fekk Citi Zēni representere Latvia i Eurovision Song Contest 2022 i Torino i Italia.[4] Dei deltok i den fyrste semifinale, men kvalifiserte seg ikkje til finalen etter å ha vorte nummer 14 i semifinalen.[6]
Diskografi endre
Album endre
- 2021 – Suņi iziet ielās
Singlar endre
- 2020 – «Vienmēr kavēju»
- 2020 – «Parādi kas tas ir»
- 2021 – «Suņi iziet ielās»
- 2021 – «Skaistās kājas»
- 2021 – «Limuzīns uz Krīta»
- 2022 – «Eat Your Salad»
- 2022 – «Lieka štuka»
Kjelder endre
- ↑ «What's on the menu in Latvia? Citi Zēni win 'Supernova'! 🇱🇻». Eurovision.tv (på engelsk). 12. februar 2022. Henta 12. februar 2022.
- ↑ Terry, Connor (4. februar 2022). «Citi Zēni: “Our aim is to make a hard topic easy to digest & fun to listen to.”» (på engelsk). Henta 12. februar 2022.
- ↑ «"Citi zēni" releases debut album and single "Limousine on Crete"». World Today News (på engelsk). 28. oktober 2021. Henta 12. februar 2022.
- ↑ 4,0 4,1 «What's on the menu in Latvia? Citi Zēni win 'Supernova'! 🇱🇻». Eurovision.tv (på engelsk). 12. februar 2022. Henta 12. februar 2022.
- ↑ «Latvia: Aminata and Markus Riva confirmed among the first 16 acts for Supernova 2022». wiwibloggs (på engelsk). 5. januar 2022. Henta 12. februar 2022.
- ↑ «Citi Zēni - Latvia - Turin 2022». Eurovision.tv (på engelsk). Henta 19. juni 2022.
- Denne artikkelen bygger på «Citi Zēni» frå Wikipedia på bokmål, den 14. desember 2022.