Latvia i Eurovision Song Contest

Latvia debuterte i Eurovision Song Contest i 2000 og har delteke kvart år sidan. Latvia har vunne Eurovision Song Contest ein gong, i 2002 med Marie N og songen «I Wanna». Latvia har også ein tredjeplass og ein femteplass. Etter innføringa av semifinalar i 2004 har landet kvalifisert seg til finalen 6 av 18 gongar.

Latvia
Offisielt	Latvia
LTV
Uttakingar
Nasjonalt	23
Internt	0
Deltaking
Debutår	2000
Deltakingar	23
Beste resultat
Semifinalen	2 (2015)
Finalen	1 (2002)
Verste resultat
Semifinalen	Sist (2009, 2010, 2013, 2017, 2021)
Finalen	24 (2003)
Poeng
Semifinalane	1 035
Finalane	971
Totalt	2 006

Utover i 2010- og 2020-åra har landet markert seg som eit av dei svakaste resultatmessig i konkurransen. Dei siste 14 åra har landet berre kvalifisert seg til finalen to gongar, sist i 2016. I tillegg har Latvia komme sist i sin semifinale fem gongar, fleire enn noko anna land.

Historikk

Det er den latviske ålmennkringkastaren LTV som sender Eurovision Song Contest i Latvia, og som har ansvaret for å velje det latviske bidraget. Frå 2000 til 2012 blei landets song og artist kåra gjennom den nasjonale finalen Eirodziesma. I 2013 skifta finalen namn til Dziesma, og i 2015 blei den nasjonale finalen erstatta av eit nytt konsept, Supernova.

Sterk debut

Marie N vann Eurovision Song Contest 2002 med songen «I Wanna». Året etter var ho programleiar saman med Renārs Kaupers då konkurransen blei halden i Riga.

Latvia var påmeldt i 1999, men trekte seg før den endelege fristen. Debuten kom i Stockholm i 2000 med gruppa Brainstorm og songen «My Star». Latvia kom på tredjeplass, med 12 poeng frå Noreg, Estland, Finland og Belgia. Dette er framleis ein av dei sterkaste debutane i historia til Eurovision Song Contest nokon gong.

Dei neste åra svingte resultata kraftig. Landet blei nummer 18 i 2001 og kvalifiserte seg med naud og neppe til konkurransen i 2002, etter at Portugal sa frå seg plassen i konkurransen. Det skulle vise seg å vere eit lykketreff for Latvia, som enda opp med å vinne 2002 med Marie N og «I Wanna». Som følgje av sigeren blei Eurovision Song Contest 2003 arrangert i den latviske hovudstaden, Riga. Marie N og Renārs Kaupers, vokalisten i Brainstorm, var programleiarar. På heimebane blei gruppa F.L.Y. nummer 24 av 26, med berre fem poeng frå nabolandet Estland.

Sju år utan finale

Året etter kvalifiserte ikke Latvia seg til finalen, men i 2005 enda landet opp på ein femteplass med duoen Valters og Kaža og songen «The War Is Not Over». Dette er framleis den tredje beste plasseringa til Latvia i Eurovision Song Contest.

Etter suksessen i 2005 innleia Latvia ein resultatmessig svak periode i konkurransen. Dei tre neste åra følgde middelmåtige plasseringar, og i seksårsperioden 2009–2014 kvalifiserte ikkje Latvia seg til finalen ein einaste gong. Tre av desse åra kom også Latvia sist i semifinalen. I Wien i 2015 fekk Latvia ein opptur og enda opp på ein sjetteplass i finalen med Aminata og songen «Love Injected». Landet sikra seg sin andre finaleplass på rad med Justs i 2016.

I 2017 innleia Latvia ein ny, svak periode resultatmessig. Seks år på rad har Latvia blitt slege ut i semifinalen, inkludert to sisteplassar i semifinalen. Landet har dimed ikke vore i ein Eurovision-finale sidan 2016 og er resultatmessig blant dei svakaste landa i konkurransen den siste tiårsperioden.

Språk

Latvia har stort sett framført sine bidrag på engelsk, men song på latvisk i 2004, på italiensk i 2007 og på russisk i 2009.

Deltakarar

Under er ei liste over bidraga til Latvia, plasseringar og poeng i konkurransen sidan debuten.

År	Artist	Song	Språk	Finalen		Semifinalen
				Plass	Poeng	Plass	Poeng
2000	Brainstorm	«My Star»	Engelsk	3	136	Ingen semifinalar
2001	Arnis Mednis	«Too Much»	Engelsk	18	16
2002	Marie N	«I Wanna»	Engelsk	1	176
2003	F.L.Y.	«Hello From Mars»	Engelsk	24	5
2004	Fomins og Kleins	«Dziesma par laimi»	Latvisk	Ikkje kvalifisert		17	23
2005	Valters og Kaža	«The War Is Not Over»	Engelsk	5	153	10	85
2006	Cosmos	«I Hear Your Heart»	Engelsk	16	30	Direktekvalifisert
2007	Bonaparti.lv	«Questa notte»	Italiensk	16	54	5	168
2008	Pirates of the Sea	«Wolves of the Sea»	Engelsk	12	83	6	86
2009	Intars Busulis	«Probka» (Пробка)	Russisk	Ikkje kvalifisert		19	7
2010	Aisha	«What For?»	Engelsk			17	11
2011	Musiqq	«Angel in Disguise»	Engelsk			17	25
2012	Anmary	«Beautiful Song»	Engelsk			16	17
2013	PeR	«Here We Go»	Engelsk			17	13
2014	Aarzemnieki	«Cake to Bake»	Engelsk			13	33
2015	Aminata	«Love Injected»	Engelsk	6	186	2	155
2016	Justs	«Heartbeat»	Engelsk	15	132	8	132
2017	Triana Park	«Line»	Engelsk	Ikkje kvalifisert		18	21
2018	Laura Rizzotto	«Funny Girl»	Engelsk			12	106
2019	Carousel	«That Night»	Engelsk			15	50
2020	Samanta Tīna	«Still Breathing»	Engelsk	Konkurransen avlyst
2021		«The Moon Is Rising»	Engelsk	Ikkje kvalifisert		17	14
2022	Citi Zēni	«Eat Your Salad»	Engelsk			14	55
2023	Sudden Lights	«Aijā»	Engelsk og latvisk			11	34
2024	Dons	«Hollow»	Engelsk

Røystehistorikk

Oversikt over poeng til og frå Latvia i finalar og semifinalar sidan debuten i 2000. Tala er henta frå nettstaden ESC Database. Ved like mange poeng, blir landa rangert etter kor mange prosent dei har gjeve av høgaste moglege oppnåelege totalscore.

Finalane

Latvia har gjeve flest poeng til # Land Poeng 01 Russland 175 02 Ukraina 144 03 Sverige 143 04 Litauen 136 05 Estland 131

Latvia har fått flest poeng frå # Land Poeng 01 Litauen 91 02 Estland 88 03 Irland 66 04 Storbritannia 47 05 Noreg 34 Tyskland

Semifinalane (2004–2021)

Latvia har gjeve flest poeng til # Land Poeng 01 Estland 98 02 Litauen 93 03 Sverige 73 04 Ukraina 68 05 Russland 65

Latvia har fått flest poeng frå # Land Poeng 01 Litauen 98 02 Irland 56 03 Georgia 51 04 Estland 49 05 Polen 41

Eurovision Song Contest i Latvia

År	Stad	Arena	Programleiarar
2003	Riga	Olimpiskā Skonto halle	Renārs Kaupers og Marie N

Kommentatorar og poengopplesarar

År	Kommentator	Poengopplesar
1970	Sendt i Sovjetunionen	Latvia deltok ikkje
1971–1977	Ikkje sendt
1978	Sendt i opptak i Sovjetunionen
1971–1989	Ikkje sendt
1990	Sendt i Sovjetunionen
1991–1999	Ikkje sendt
2000	Kārlis Streips	Lauris Reiniks
2001		Renārs Kaupers
2002		Ēriks Niedra
2003		Ģirts Līcis
2004		Lauris Reiniks
2005		Marie N
2006		Mārtiņš Freimanis
2007		Janis Šipkevics
2008		Kristīne Virsnīte
2009		Roberto Meloni
2010		Kārlis Būmeisters
2011	Valters Frīdenbergs og Kārlis Būmeisters	Aisha
2012		Valters Frīdenbergs
2013		Anmary
2014		Ralfs Eilands
2015	Valters Frīdenbergs og Toms Grēviņš	Markus Riva
2016		Toms Grēviņš
2017		Aminata
2018	Toms Grēviņš og Magnuss Eriņš	Dagmāra Legante
2019	Toms Grēviņš og Ketija Šēnberga	Laura Rizzotto
2021	Toms Grēviņš (alle show) og Marie N (finalen)	Aminata Savadogo
2022	Toms Grēviņš (alle show) og Lauris Reiniks (finalen)	Samanta Tīna
2023		Jānis Pētersons

Galleri

• 
  Bonaparti.lv i Helsingfors 2007
• 
  Pirates of the Sea i Beograd 2008
• 
  PeR i Malmö 2013
• 
  Aarzemnieki i København 2014
• 
  Aminata i Wien 2015
• 
  Justs i Stockholm 2016
• 
  Triana Park i Kyiv 2017
• 
  Laura Rizzotto i Lisboa i 2018
• 
  Sudden Lights i Liverpool i 2023.

Sjå òg

• Latvia i Junior Eurovision Song Contest

Kjelder

• Den offisielle nettsida til Eurovision Song Contest

• Denne artikkelen er basert på ei omsetjing av artikkelen «Latvia i Eurovision Song Contest» frå Wikipedia på bokmål, den 12. april 2024.