Citrus halimii
Citrus halimii er ei sur sitrusfrukt som høyrer til papedagruppa i sitrusslekta. Han blei først oppdaga og klassifisert av vitskapsfolk i 1973.[1][2]
| Citrus halimii | |
 Citrus halimii | |
| Status | |
Status i verda:  Livskraftig
| |
| Systematikk | |
| Rike: | Planteriket Plantae |
| Underrekkje: | Frøplantar Spermatophytes |
| Orden: | Sapindales |
| Familie: | Rutaceae |
| Underfamilie: | Aurantioideae |
| Stamme: | Citreae |
| Slekt: | Sitrusfrukt Citrus |
| Art: | C. halimii |
| Vitskapleg namn | |
| Citrus halimii | |
Utbreiing
endreCitrus halimii er ein ganske sjeldan plante, og er lite studert. Sidan han blei oppdaga i 1973 har han berre blitt observert ein handfull stader i Søraust-Asia: Thailand, Malaysia (der han først blei oppdaga), og i isolerte grupper i Indonesia.[2]
Skildring
endreCitrus halimii er eit mellomstort eviggrønt tre som kan bli 6-7 meter høgt. Det har færre tornar enn mange andre sitrustre. Som andre medlemmer i papedagruppar har C. halimii relativt store blad med lange, vinga bladstilkar.[2]
Fruktene kan etast, men er sure. Dei er små og runde med ein diameter på rundt 5–7 cm. Skalet er relativt tjukt og blir gult eller oransjegult når frukta mognar. Skalet sit tett fast i fruktkjøtet, som er gulgrønt og fylt med mange store frø og ein liten del jus.[2]
Kjelder
endre- ↑ Opphavleg publisert i Stone, B.C.; Lowry, J.B.; Scora, R.W.; Jong, K. (1973). «Citrus halimii : A new Species from Malaya and Peninsular Thailand». Biotropica 5: 102–110. doi:10.2307/2989659.
- ↑ 2,0 2,1 2,2 2,3 «Citrus halimii». Plant of the month. Bangkok, Thailand: Office of the Forest Herbarium : Department of National Parks, Wildlife and Plant Conservation. February 2005. Arkivert frå originalen 17. juli 2011. Henta November 24, 2009.
- Denne artikkelen bygger på «Citrus halimii» frå Wikipedia på engelsk, den 27. august 2015.