City Lights
| City Lights Singel av Ray Price | ||
| B-side |
«Invitation to the Blues» | |
|---|---|---|
| Utgjeve | Juni 1958 (USA) | |
| Innspelt | 29. mai 1958 | |
| Sjanger | Country | |
| Lengd | 2:59 | |
| Selskap | Columbia | |
| Låtskrivar(ar) | Bill Anderson | |
| Ray Price-kronologi | ||
| «Curtain in the Window» (1957) |
City Lights | «That's What It's Like to Be Lonesome» (1958)
|
| City Lights Singel av Mickey Gilley frå albumet City Lights | ||
| B-side |
«Fraulein» | |
|---|---|---|
| Utgjeve | November 1974 (USA) | |
| Innspelt | 1974 | |
| Sjanger | Country | |
| Lengd | 2:48 | |
| Selskap | Playboy 6015 | |
| Låtskrivar(ar) | Bill Anderson | |
| Produsent | Eddie Kilroy | |
| Mickey Gilley-kronologi | ||
| «I Overlooked an Orchid» (1974) |
City Lights | «Window Up Above» (1975)
|
«City Lights» er ein USA-amerikansk countrysong skriven av Bill Anderson. Han vart ein hit to gonger - først i 1958 og igjen i 1975.
Ray Price spelte inn originalversjonen i 1958, og hans versjon gjekk til topps på countrylista.
Om songen
endre«City Lights» var ein av dei første store suksessane til Anderson. Han skreiv songen då han var berre 19 år gammal og han vart plukka opp av Ray Price våren 1958, då Price var den dominerande honkytonk-artisten i landet.
I følgje countryhistorikaren Bill Malone syner «City Lights» personleg isolasjon og «korleis individet vert framandgjort i den anonyme, urbane verda». Price sin «harde, einsame vokal» og Texas shuffle-rytmen (som kjennemerka innspelingane hans frå midten av 1950- til tidleg i 1960-åra) var dominerande i utgåva hans.[1]
Singelen kom ut i juni 1958 og nådde andreplassen på Billboard si Most Played C&W by Disc Jockeys-liste seinare på sommaren. Då Billboard introduserte ei eiga liste for country (kalla «Hot C&W Sides») den 20. oktober, vart «City Lights» den første songen som gjekk til topps på denne lista. Han låg på toppen av lista i 13 veker, den siste veka var 12. januar 1959. I alt låg songen 34 veker inne på lista.
Andre versjonar
endreFleire andre artistar har spelt Anderson sin «City Lights» gjennom åra. Ein av dei mest suksessrike versjonane vart gjort av Mickey Gilley, som spelte ein honky-tonk og piano-versjon. Denne gjekk til topps på countrylista i februar 1975.
- Ivory Joe Hunter spelte inn songen i 1959 då han gjekk over til country seint i karrieren sin og versjonen hans nådde 92. plassen på den amerikanske Billboard-lista.
- Debbie Reynolds spelte inn songen i 1960 og denne nådde 55. plassen på poplista.
- Jerry Lee Lewis spelte inn songen i 1965 på albumet Country Songs for City Folks.[2]
- Ein versjon av Mel Tillis nådde 67. plassen på Billboard Hot Country Singles-lista i 1989.[3]
- Bill Anderson har spelt inn sin eigen versjon av songen.
- Andre som har spelt inn songen er Connie Smith, Rick Trevino, Conway Twitty, Johnny Bush og Dottie West.
Kjelder
endre- Denne artikkelen bygger på «City Lights» frå Wikipedia på engelsk, den 15. august 2017.
- Wikipedia på engelsk oppgav desse kjeldene:
- ↑ Malone, Bill, «The Smithsonian Collection of Classic Country Music» ((booklet included with The Smithsonian Collection of Classic Country Music 8-volume set). Smithsonian Institution, 1981).
- ↑ Jerry Lee Lewis, Country Songs for City Folks Retrieved June 15, 2012.
- ↑ Whitburn, Joel (2013). Hot Country Songs 1944–2012. Record Research, Inc. s. 337. ISBN 978-0-89820-203-8.