Cupfinalen i fotball 2019/Menn

Cupfinalen for menn 2019 var den siste og avgjerande kampen i Noregsmeisterskapen i fotball for menn, den 114. cupfinalen i Noreg. Kampen stod mellom Viking Fotballklubb frå Stavanger og FK Haugesund. Finalen vart avvikla søndag 8. desember 2019 på Ullevaal Stadion i Oslo framfor 21 895 tilskodarar. Viking FK vann 1–0. Det var sjette gongen fotballklubben frå Stavanger fekk kongepokalen, førre NM-sigeren kom i 2001.

Laga

Viking sitt vinnarmannskap: Iven Austbø, Sondre Bjørshol, Runar Hove, Viljar Vevatne, Adrian Pereira, Kristian Thorstvedt, Kristoffer Løkberg, Johnny Furdal, Ylldren Ibrahimaj, Benjamin Källman og Zlatko Tripić (kaptein). Fredrik Torsteinbø kom på bana i det 67. minutt, Samúel Friðjónsson i det 75. minutt og Rolf Daniel Vikestøl i sluttminutta. Ut gjekk etter tur: Furdal, Løkberg, Tripić.

Haugesund mønstra: Helge Sandvik, Mikkel Desler, Doug Bergqvist, Benjamin Tiedemann Hansen, Thore B. Pedersen, Christian Grindheim (kaptein), Sondre Tronstad, Bruno Leite, Niklas Sandberg, Martin Samuelsen, Kristoffer Velde frå start. Mot slutten av oppgjeret måtte Bergqvist, Leite og Velde vike plass, inn kom Pascal Gregor, Krister Krygård og Ibrahima Koné.

Zlatko Tripić vart matchvinnar gjennom eit straffespark i det 51. minutt.

Espen Eskås frå Bækkelaget SK var hovuddommar.

Kjelder

• Denne artikkelen bygger på «Cupfinalen i fotball 2019/Menn» frå Wikipedia på bokmål, den 4. mai 2022.