Dagen viker og går bort
«Dagen viker og går bort» er ein kveldssalme av Dorothe Engelbretsdotter, opphavleg gjeven ut som «Afften-Psalme» i Siælens Sang-Offer i 1678. Salmen hadde opphavleg 20 vers. Av desse er 11 tekne med i Norsk salmebok (1985) og Norsk salmebok 2013.[1]
Salmen er nummer 810 i Norsk salmebok 2013.[2]
Salmen har ei rekkje melodiar. Catharinus Elling, Ole Mørk Sandvik og andre skreiv ned ulike norske folketonar som blei brukte med henne. Melodien i den norske salmeboka er ein dansk variant av ein melodi frå 1566-utgåva av salmeboka til dei bøhmiske brørne.
Kjelder endre
- ↑ Holter, Stig Wernø (29. mai 2019). «Dagen viker og går bort». Store norske leksikon (på norsk).
- ↑ Dorothe Engelbretsdotter/Eide forlag AS. «Afften Psalme». Henta 8. januar 2020. CC-BY-SA-4.0
Bakgrunnsstoff endre
- Afften Psalme i gammal og ny språkdrakt ved ndla.no