David Batty
David Batty (fødd 2. desember 1968) er ein engelsk tidlegare fotballspelar frå Leeds, ligameister 1992 med Leeds United. Over ein åtteårs-periode medverka han i 42 av landskampane til England. Han var defensiv midtbanespelar, iherdig utøvar og flink taklar.
| Personleg informasjon | |||
|---|---|---|---|
| Fullt namn | David Batty[1] | ||
| Fødselsdato | 2. desember 1968 (55 år)[1] | ||
| Fødestad | Leeds | ||
| Høgd | 5 fot 8 tommar (1,73 m)[2] | ||
| Posisjon | Defensiv midtbanespelar[1] | ||
| Ungdomsklubbar | |||
| –1987 | Leeds United | ||
| Seniorkarriere* | |||
| År | Lag | Kampar | (Mål) |
| 1987–1993 | Leeds United | 211 | (4) |
| 1993–1996 | Blackburn Rovers | 54 | (1) |
| 1996–1998 | Newcastle United | 83 | (3) |
| 1998–2004 | Leeds United | 90 | (0) |
| Totalt | 438 | (8) | |
| Landslag | |||
| 1988–1989 | England U21 | 7 | (1) |
| 1989–1992 | England B | 5 | (0) |
| 1991–1999 | England | 42 | (0) |
| * Seniorklubbkampar og mål berre telt for nasjonal liga | |||
Karriere
endreKlubbspel
endreBatty gjorde teneste i Leeds United 1987-93 og 1998-2004. Ligasesongen 1991/92 tok han del i 40 kampar då Leeds gjekk heilt til topps i den engelske ligaen. I oktober 1993 vart han overført til Blackburn Rovers. Ein broten fot gjorde at han fekk berre 5 kampar ligasesongen 1994/95, då Blackburn vart ligameister for fyrste gong på 81 år. Frå tidleg vinter 1996 til desember 1998 spelte Batty for Newcastle United. Under FA-cupfinalen 1998 måtte han og lagkameratar som Stuart Pearce og Alan Shearer tole tap mot Arsenal FC.
Landslagsspel
endreBatty fekk sin landslagsdebut som innbytar på heimebane den 21. mai 1991, og spelte sin 42. og siste landskamp i Warszawa 8. september 1999. Under EM i fotball 1992 deltok han i to av Englands tre kampar. 14. oktober 1992 spelte han heile VM-kvalifiseringskampen mot Noreg på Wembley stadion, der Kjetil Rekdal med eit susande langskot syrgde for poengdeling. Batty fekk ikkje plass i EM-troppa 1996, men spelte i fire av Englands kampar under VM i fotball 1998. Han vart verande utan landslags-skåringar.
Merittar
endre- Engelsk ligameister: 1992 for Leeds United
- Finalist i FA-cupen: 1998 for Newcastle United
Kjelder
endre- ↑ 1,0 1,1 1,2 «David Batty». Barry Hugman's Footballers.
- ↑ «David Batty: Overview». Premier League. Henta 4 April 2021.
- eu-football
- Denne artikkelen bygger på «David Batty» frå Wikipedia på engelsk, den 16. juli 2024.