David Weidemann
David Christopher Weidemann (19. september 1800–29. mars 1881) var ein norsk lege som representerte Holmestrand på stortinga 1842 og 1865-66.
| David Weidemann | |
| Statsborgarskap | Noreg |
| Fødd | 19. september 1800 Borgund kommune |
| Død | |
| Yrke | lege, politikar |
| Språk | norsk |
| Far | Lauritz Weidemann |
Weidemann var fødd i Borgund på Sunnmøre, då faren Lauritz Weidemann var sorenskrivar der. Han vart student i 1819, og budde på 1820-talet i hovudstaden. Der var han åra 1825-29 kandidat ved «den midlertidige fødselsstiftelse», og i 3½ år fattiglege i Christiania. Ferdig utdanna cand.med. i 1827.
I 1829 flytta Weidemann til Holmestrand og budde der resten av livet. Han var bylege i lang tid. Både i 1839-40 og 1848 var han ordførar for bystyret. Som styreformann i den lokale sparebanken spela han ei avgjerande rolle då Holmestrands bad vart bygt.
Weidemann var stortingsrepresentant frå Holmestrand både i 1842 og i 1865-66. I 1842 var han medlem i Militærkomiteen, medan han i 1865-66 hadde plass i Gasje- og pensjonskomiteen og i Lagtinget.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914