Den donauske sletta i Bulgaria
Den donauske sletta (bulgarsk Дунавска равнина, Dunavska ravnina) utgjer den nordlege delen av Bulgaria, og ligg mellom Balkanfjella i sør og Donau i nord. Ho strekkjer seg frå elva Timok i vest til Svartehavet i aust. Sletta har eit areal på 31 523 km², er om lag 500 km lang, og mellom 20 og 120 km brei.
| Den donauske sletta | |||
| slette | |||
 | |||
| Land |  Bulgaria
| ||
|---|---|---|---|
 Den donauske sletta i Bulgaria 43°15′00″N 25°20′00″E / 43.25°N 25.33333333°E | |||
Sjølv om ho vert omtalt som ei slette er landskapet forholdsvis åslendt med mange platå og elvedalar. Klimaet er kontinentalt og vert noko påverka av Svartehavet i aust. Nedbørsmengdene varierer mellom 450 og 650 mm i året. Viktige elvar utanom Donau er Iskar, Jantra, Osam, Vit, Rusenski Lom, Ogosta og Lom.
Av store byar i regionen finn ein Varna, Ruse, Pleven, Dobritsj, Sjumen, Veliko Tarnovo, Vratsa, Vidin, Montana, Silistra, Targovisjte og Razgrad.
Kjelder
endre- Collective (2002). Balgarska entsiklopediya A-YA. Sofia: IK Trud.
- Denne artikkelen bygger på «Danubian Plain (Bulgaria)» frå Wikipedia på engelsk, den 9. mars 2007.