Den hercynske orogenesen

Den hercynske fjellkjedfoldinga eller den variskiske fjellkjedefoldinga var ein orogenese eller fjellkjedefolding der jordskorpa vart pressa saman i karbon- og permtida ved slutten av oldtida til jorda for 360–250 millionar år sidan. Nedslitne restar av dei hercynske fjellkjedene opptrer i eit belte gjennom Europa frå sørlege Irland og Storbritannia (Devonshire, Cornwall), til det europeiske fastlandet i Bretagne, Ardennene, Schwarzwald, Vogesane og Massif Central. Utanfor Europa er dei kjent i Uralfjella og Novaja Zemlja, i eit belte frå Kaspihavet til Kina og i Appalachane i USA. På nordsida av foldesona, og mellom greinene til sona, vart det i karbon danna store sedimentfylte basseng med tjukke lag av kol, særleg i Vest-Europa og USA.

Plasseringa til Dei hercynske fjella i midten av karbontida. Dagens kystinjer er markerte i grått for referanse.

Kjelder

• Hercynske Fjellkjedfoldning. (14. februar 2009). I Store norske leksikon. Henta 21. november 2013 frå http://snl.no/hercynske_fjellkjedfoldning.