Det nasjonale gjennombrotet

Det nasjonale gjennombrotet viser til eit nytt medvit om og interesse for norsk kultur og identitet på 1840- og 1850-talet. Omgrepet blei laga av Moltke Moe i 1890-åra og lagt fram gjennom førelesingsserien Det nationale gjennembrud og dets Mænd.

Brudeferd i Hardanger, måla av Tidemand og Gude i fellesskap, illustrerer godt den nasjonalromantiske interessa for alt som vart rekna som genuint norsk.

Det nasjonale gjennombrotet heng saman med eit aukande medvit om nasjonal kultur, og blir gjerne knytt til nasjonalromantikken. Ein fatta særleg interesse for norsk bondekultur og brukte dette som inspirasjon for «høgkultur». Kjende figurar frå denne tendensen er folkeeventyrsamlarane Asbjørnsen og Moe, kunstmålarane Tidemand og Gude (som ofte arbeida saman på same målarstykket) og musikarane og komponistane Edvard Grieg og Ole Bull.

Kjelder

• Denne artikkelen bygger på «Det nasjonale gjennombrudd» frå Wikipedia på bokmål, den 23. november 2017.

• «Det nasjonale gjennombruddet». Saga. Henta 23. november 2017. 
  Denne kulturartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.