Deutsche Schule Oslo – Max Tau
Deutsche Schule Oslo – Max Tau er ein tyskspråkleg privat skule i Oslo som vert driven i samsvar med det tyske skulesystemet og fylgjer dei tyske læreplanane. Skulen er organisert som ei stifting, og namngjeve etter den jødiske filosofen, forfattaren og forleggjaren Max Tau, som døydde i Oslo i 1976. I 2010 vart skulen eit norsk-tysk bilateralt prosjekt som kan gje elevane utdanning for å kome inn på både norske og internasjonale universitet. Skulen har rett til norsk statstilskott.
| Deutsche Schule Oslo – Max Tau | |||
 | |||
| Org.form | Stifting | ||
|---|---|---|---|
| Org.nummer | 971492627 | ||
| Grunnlagd | 1980 | ||
| Kommune | Oslo kommune | ||
| Adresse | Sporveisgata 20, 0354 Oslo, Postboks 214, Bogstadveien, 0323 Oslo (adresse) | ||
| Elevar | 216 (2022)[1]  | ||
| Nettstad | https://tysk-norske-skolen.no | ||
 Deutsche Schule Oslo – Max Tau 59°55′30″N 10°43′33″E / 59.925°N 10.72583333°E | |||
Skulen opna i 1980 som ein grunnskule for eit titals tyskspråklege born av dei tilsette ved den tyske ambasaden i Oslo og ved hovudkvarteret for NATOs nordkommando. Med tida har skulen vakse til å ha eit syttitals barnehageborn og 220 elevar, av desse om lag halvparten norske, og gjev undervisning på alle trinn til og med vidaregåande. Skulen held til i Sporveisgata 20 og Bislettgata 8 i Oslo.
