Dewey Bunnell
Lee Merton «Dewey» Bunnell[1] (fødd 19. januar 1952)[3] er ein britisk-amerikansk musikar, songar, gitarist og låtskrivar, mest kjend som medlem av folkrockbandet America.[4]
| Dewey Bunnell | |||
 Bunnell på scenen i 2019 | |||
| Fødd | 19. januar 1952 (72 år) | ||
|---|---|---|---|
| Fødestad | Harrogate i Yorkshire i England | ||
| Fødenamn | Lee Merton Bunnell[1][2] | ||
| Opphav | USA | ||
| Aktiv | Sidan 1969 | ||
| Sjanger | rock | ||
| Instrument | Vokal, gitar, trommer, perkusjon, piano | ||
| Verka som | Musikar | ||
Biografi endre
America endre
- For meir om dette emnet, sjå America.
Etter eit første forsøk på å danna eit band i slutten av 1960-åra, danna Bunnell, Beckley og Peek America i 1969 og gav ut sitt første album i 1971.[4] Til liks med dei andre medlemmene skreiv, song og spelte Bunnell gitar. Hans mest kjende komposisjonar inkluderer «A Horse with No Name», «Ventura Highway» og «Tin Man». Bunnell har forklart at «A Horse with No Name» var «ein metafor for eit køyretøy for å komma seg bort frå forvirringa i livet til ein stille, fredeleg stad», medan «Sandman» var inspirert av dei uformelle samtalane hans med heimvende Vietnam-veteranar. Av frykt for å bli angripne og drepne i søvne valde mange av dei å halda seg vakne så lenge som mogleg, anten naturleg eller med legemiddel. Dermed «flykta dei frå Ole Lukkauge.»[5]
Bunnell er framleis medlem av America, saman med Gerry Beckley. America har laga meir enn 20 album med originalt materiale, saman med ei rekkje hitsamlingar, mellom 1960-åra og i dag. Gruppa fekk ei stjerne på Hollywood Walk of Fame i februar 2012.
Privatliv endre
Bunnell vart fødd i Harrogate i Yorkshire i England,[3] av ein amerikansk militærfar, stasjonert på United States Air Force-basen RAF South Ruislip, og den engelske kona hans. Som ung musikar vart Bunnell inspirert av The Beatles og The Beach Boys.[6] Medan han gjekk på London Central High School i England møtte han Gerry Beckley og Dan Peek. I 1973 flytta han til Marin County i California med den dåverande kona si, Vivien. Dei fekk to barn, Dylan og Lauren. Dei to vart skilde i 1999, og han gifta seg med Penny i 2002.[4] Han adopterte deretter dotter til Penny, Destry.
Diskografi endre
- For meir om dette emnet, sjå diskografien til America.
Kjelder endre
- Denne artikkelen bygger på «Dewey Bunnell» frå Wikipedia på engelsk, den 16. april 2023.
- Wikipedia på engelsk oppgav desse kjeldene:
- ↑ 1,0 1,1 Jude Warne (2020), American the Band (An Authorized Biography), Rowman And Littlefield
- ↑ «Photographic image of band members» (JPG). Accessbackstage.com. Henta 16. april 2023.
- ↑ 3,0 3,1 Rees, Dafydd; Luke Crampton (1999), Rock Stars Encyclopedia, DK Publishing, s. 32, ISBN 978-0-7894-4613-8
- ↑ 4,0 4,1 4,2 «America's Dewey Bunnell reflects on star-spangled career». Marin Independent Journal. 30. juni 2008. Arkivert frå originalen 19. oktober 2014. Henta 17. april 2023.
- ↑ Ruggiero, Bob (7. august 2013). «America Will Never Reveal the Name of That Stubborn «Horse»». Houston Press. Henta 23. februar 2014.
- ↑ Rodriguez, Isaac. «Ten Questions with Dewey Bunnell - Founding Member of the Band America». realrocknews.com. Henta 23. februar 2014.
Bakgrunnsstoff endre
- Dewey Bunnell ved The Internet Movie Database (IMDb)