Dhol er ei sylindrisk, tosida tromme kjend frå store delar av Sør-Asia. Tromma finst i mange storleikar, men eit vanleg mål er ei lengd på om lag ein halvmeter. Ho er tradisjonelt laga av ein uthola del av ein trestamme med trommeskinn av lêr. Trommeskinna har noko ulik tjukkleik og ulike tonar. Ein speler som regel på tromma med to trommestikker, ei tjukk og bøygd stikke i bassenden og ei tynnare, mjuk stikke i den andre.

Dhol

Klassifiseringmembranofon
Virtue Dholis speler dhol under Belfast Mela i 2012.
Dhol frå Bangladesh.

Ein bruker typisk dhol til folkemusikk og til fleire folkedansar. Tromma er velkjend frå Panjab, særleg i samband med bhangra. I Assam finst fleire mindre dholtypar, som jai dhol og bihu dhol. Gujaratiar bruker dhol til dansen garba og pasjtunar til attan.

Dhol (ḍhol) stammar truleg frå dohol, ei persisk tromme som var vanleg ved mogulhoffet. Trommer med liknande namn og av liknande type er kjende frå Armenia, Iran og Sentral-Asia.

Sjå òg endre

Kjelder endre

Gibb Schreffler, Gibb's Dhol Pages, arkivert frå originalen 27. februar 2007, henta 26. november 2013 

  • Pete Locket, «The Punjabi Dhol» Arkivert 2013-12-02 ved Wayback Machine., drumdojo.com, 2001.
  • The Oxford Encyclopaedia of the Music of India, Oxford University Press. Print Publication Date: 2011, ISBN-13 9780195650983 Published online: 2011 Current Online Version: 2012 eISBN 9780199797721
  Denne musikkartikkelen er ei spire. Du kan hjelpe Nynorsk Wikipedia gjennom å utvide han.