Don't Break Me
«Don't Break Me» (norsk omsetjing 'ikkje knekk meg') er ein popsong frå 2020 framført av den australske artisten Montaigne. Songen vann den australske songtevlinga Eurovision – Australia Decides 2020 og skulle ha vore det australske bidraget til Eurovision Song Contest 2020 i Rotterdam i Nederland. Men 18. mars 2020 avlyste EBU Eurovision Song Contest på grunn av koronaviruspandemien i Europa vinteren 2020.[1]
Om songen endre
Montaigne har fortalt at songen omhandlar «nok er nok-fasen» i eit forhold, der den eine parten følar at den legg ned meir kjensler, energi og krefter i forholdet enn det den andre personen gjer. Dette fører til at den fyrste vert frustrert og sint.[2] «Eg skreiv songen medan eg las Codependent No More av Melody Beattie, som verkeleg skildrar kvalitetane og kjenneteikna rundt dynamikkane i eit forhold».[3][4]
«Don't Break Me» var eitt av ti bidrag i Eurovision – Australia Decides i Gold Coast i Australia laurdag 8. februar 2020, arrangert av den australske kringkastaren SBS. Montaigne opptredde med blått hår, klovnesminke og ein klovnekrage.[4][5] Songen vann juryavrøystinga og vart nummer to i telefonavrøystinga, men vann tevlinga samanlagt med 107 poeng.[4] Gjennom sigeren vart songen det australske bidraget til Eurovision Song Contest, og skulle ha delteke i den fyrste semifinalen tysdag 12. mai 2020.[6] Men på grunn av koronavirusutbrotet i Europa vinteren 2020 vedtok EBU å avlyse Eurovision Song Contest for å hindre spreiing av koronaviruset SARS-CoV-2 og den medfølgjande sjukdomen covid-19.[7] Songen fekk dimed aldri delteke i Eurovision Song Contest.
Referansar endre
- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ «Montaigne: Don't Break Me lyrics - Australia Eurovision 2020» (på engelsk). 10. februar 2020. Henta 10. februar 2020.
- ↑ «Montaigne Releases Official Eurovision Australia Decides Song». Amnplify. februar 2020. Henta 9. februar 2020.
- ↑ 4,0 4,1 4,2 McGarry, Andrew (8. februar 2020). «Montaigne nabs Eurovision spot after Don't Break Me performance wins Australia Decides». ABC. Henta 8. februar 2020.
- ↑ «Montaigne - Don't Break Me - Australia 🇦🇺 - National Final Performance - Eurovision 2020» (på norsk bokmål). Henta 10. februar 2020.
- ↑ «Australia decides: Kate Miller-Heidke to Tel Aviv». 9. februar 2019. Henta 8. mai 2019.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- Denne artikkelen bygger på «Don't Break Me» frå Wikipedia på bokmål, den 5. april 2021.