Australia i Eurovision Song Contest

Australia debuterte i Eurovision Song Contest i 2015, i utgangspunktet som eit eingongstilfelle. I debuten var Australia direktekvalifisert til finalen og enda på ein femteplass. Det gode resultatet gjorde at Australia fekk delta vidare, og i tevlinga året etter kom landet på ein andreplass etter å ha vunne juryavrøystinga. Australia har sidan blitt ein fast deltakar i Eurovision Song Contest, og har fast plass i tevlinga til 2023.[1] Fram til 2021 kvalifiserte landet seg til finalen alle gongane, og hadde ein 20. plass som dårlegaste plassering.[2] I 2021 mista Australia sin førebels einaste finale, då Montaigne ikkje kvalifiserte seg frå den fyrste semifinalen.[3]

Australia


Special Broadcasting Service
Uttakingar
Nasjonalt 3
Internt 6
Deltaking
Debutår 2015
Deltakingar 9
Beste resultat
Semifinalen 1 (2016, 2019 og 2023)
Finalen 2 (2016)
Verste resultat
Semifinalen 14 (2021)
Finalen 20 (2018)
Poeng
Semifinalane 1 383
Finalane 1 539
Totalt 2 922

Historikk endre

Australia har historiske og tette band til Europa, og ein stor del av befolkninga har røter frå ulike europeiske land. Tilknytinga til Europa var ei medverkande årsak til at den australske kringkastaren SBS byrja å sende Eurovision Song Contest allereie i 1983. Dei fyrste åra blei tevlinga sendt i opptak på grunn av tidsskilnaden, og med kommentarane til den legendariske kommentatoren til BBC, Terry Wogan.

Vegen mot Eurovision endre

Opp gjennom åra har også fleire australiarar delteke i Eurovision Song Contest, blant anna Olivia Newton-John og Gina G for Storbritannia i høvesvis 1974 og 1996. Utover 2000-talet byrja SBS å sende sine eigne kommentatorar til tevlinga, og i 2012 fekk kanalen sine kommentatorar sin eigen kommentatorboks på lik linje med dei europeiske deltakarlanda.

Frå 2010 til 2014 heldt SBS si eiga telefonavrøysting der australske sjåarar kunne røyste på finalesongane. Dei australske røystene blei ikkje rekna med i det offisielle resultatet i Eurovision Song Contest.[4] Eit skritt nærare deltaking kom i 2013, då Australia hadde ein eigen videoreportasje i pausen i andre semifinale. Under finalen i 2014 fekk Australia sitt eige pausenummer, leia av Jessica Mauboy, ein av dei store artistane i Australia.[5][6] Mauboy fekk seinare representere landet i 2018.

Debuten endre

 
Guy Sebastian representerte Australia i deira debut i 2015.

Fleire ikkje-europeiske land som Israel og Marokko har delteke i Eurovision Song Contest, sidan kringkastingsområdet til EBU også omfattar delar av Midtausten og Nord-Afrika. Australia ligg godt utenfor kringkastingsområdet, og SBS er berre partnarmedlem i EBU. For å kunne delta må kringkastaren vere aktivt medlem av unionen. Australia si stadige tettare tilknyting til tevlinga, og det faktum at Eurovision Song Contest hadde 60-årsjubileum i 2015, gjorde at EBU likevel let Australia få delta i finalen i Wien i 2015. Australia fekk også lov til å røyste i begge semifinalane og finalen. Deltakinga var i utgangspunktet tenkt som eit eingongstilfelle.[7][8]

Nyhendet vakte stor merksemd i Australia, og i mars 2015 valde SBS den fyrste australske Idol-vinnaren Guy Sebastian til å representere landet.[9][10] I finalen kom Australia på ein sterk femteplass med toppoeng frå både Austerrike og Sverige. Noreg gav ti poeng til debutanten.

Ny deltaking endre

 
Dami Im skaffa Australia ein andreplass i 2016. Her frå prøvene før den andre semifinalen.
Foto: Albin Olsson

Den gode plasseringa, kombinert med engasjementet til Australia, gjorde at EBU let landet få delta på nytt i Eurovision Song Contest 2016 i Stockholm. Denne gongen måtte Australia gjennom semifinalane, og SBS valde artisten Dami Im og bidraget «Sound of Silence» til å representere landet.[11] Det andre forsøket til Australia gjekk enda betre enn debuten, og «Sound of Silence» vann juryavrøystinga med klår margin. I telefonavrøystinga blei Australia nummer fire, slik at landet enda på ein andreplass samla. Paul Clarke, den australske delegasjonsleiaren, kalla innsatsen til Dami Im i tevlinga for ein «ekte historisk augneblink for australsk musikk, ein augneblink då Europa verkeleg opna armane sine for oss».[12]

Suksessen gjorde at Australia også fekk delta i 2017, og landet har sidan blitt ein fast deltakar i Eurovision Song Contest,[13] men fram til 2019 vurderte EBU frå år til år om Australia skulle få delta. I 2019 sikra SBS seg ein avtale som gjev landet fast plass i tevlinga til 2023.[1] Same år arrangerte også Australia for fyrste gong ein nasjonal finale, Eurovision – Australia Decides, til å velje ut det australske bidraget til Eurovision Song Contest.[14]

Australia fortsatte å kvalifisere seg til finalen kvart einaste år i perioden 2016–2019. I 2021 fekk landet si dårlegaste plassering til då, med ein 14. plass i den fyrste semfinalen. Dette var fyrste og førebels einaste gongen Australia ikkje kvalifiserte seg til finalen.

Kva skjer om Australia vinn? endre

Som følgje av tidsskilnaden og den store geografiske avstanden til Europa, får ikkje SBS arrangere Eurovision Song Contest i Australia om landet skulle vinne. I staden skal SBS inngå eit samarbeid med ein europeisk kringkastar og saman med han arrangere Eurovision Song Contest ein stad i Europa.[8]

Bidrag endre

Under er ei liste over deltakarane, plasseringane og poenga til Australia i Eurovision Song Contest sidan debuten i 2015.[15]

År Artist Song Språk Finalen Semifinalen
Poeng Plass Poeng Plass
  2015 Guy Sebastian «Tonight Again» Engelsk 5 196 Direktekvalifisert
  2016 Dami Im «Sound Of Silence» Engelsk 2 511 1 330
  2017 Isaiah Firebrace «Don't Come Easy» Engelsk 9 173 6 160
  2018 Jessica Mauboy «We Got Love» Engelsk 20 99 4 212
  2019 Kate Miller-Heidke «Zero Gravity» Engelsk 9 284 1 261
  2020 Montaigne «Don't Break Me» Engelsk Avlyst
  2021 Montaigne «Technicolour» Engelsk Ikkje kvalifisert 14 28
  2022 Sheldon Riley «Not the Same» Engelsk 15 125 2 243
  2023 Voyager «Promise» Engelsk 9 151 1 149
  2024 Electric Fields

Røystehistorikk endre

Finalane endre

Australia har gjeve flest poeng til
Nr. Land Poeng
01   Sverige 88
02   Belgia 54
03   Ukraina 44
04   Frankrike 39
05   Island 38

Australia har fått flest poeng frå
Nr. Land Poeng
01   Sverige 76
02   Island 71
  Storbritannia
04   Polen 63
05   Finland 62

Semifinalane endre

Australia har gjeve flest poeng til
Nr. Land Poeng
01   Sverige 76
02   Belgia 51
03   Israel 45
04   Moldova 42
05   Kypros 41

Australia har fått flest poeng frå
Nr. Land Poeng
01   Polen 81
02   Belgia 72
03   Israel 60
04   Danmark 50
  Island

Kommentatorar og poengopplesarar endre

Australske SBS byrja å sende Eurovision Song Contest på fjernsyn i 1983 og brukte kommentarsporet til BBC, med Terry Wogan, fram til 2001. Kanalen brukte igjen BBC-kommentaren i 2002, og igjen frå 2005 og frem til Wogan gjekk av med pensjon i 2008. Frå 2009 har SBS brukt eigne kommentatorar.[16]

År TV-kommentator(ar) Poengopplesar
19561982 Ikkje sendt Australia hadde ikkje rett til å delta
19832000 Ingen kommentar, eller kommentar via BBC
  2001 Effie (Mary Coustas)[16][17]
  2002 Kommentar via BBC
  2003 Des Mangan[17][18]
  2004
20052008 Kommentar via BBC
  2009 Julia Zemiro og Sam Pang[19]
  2010
  2011
  2012
  2013
  2014
  2015 Lee Lin Chin[20][21]
  2016
  2017 Myf Warhurst og Joel Creasey
  2018 Ricardo Gonçalves
  2019 Electric Fields[22]
  2021 Joel Creasey
  2022 Courtney Act[23]
  2023 Catherine Martin[24]

Galleri endre

Sjå òg endre

Kjelder endre

  1. 1,0 1,1 Evert Groot (12. februar 2019). «Australia secures spot in Eurovision for the next five years». eurovision.tv. EBU. Henta 12. februar 2019. 
  2. «Australia – Eurovision Song Contest». eurovision.tv. Henta 13. mai 2018. 
  3. «Australia fails to qualify for the final of Eurovision for first time». Eurovisionworld. 18. mai 2021. Henta 19. mai 2021. 
  4. Glen Webb (31. mai 2010). «Australian televoters choose their winner». Den europeiske kringkastingsunion. Henta 4. desember 2016. 
  5. «Australia to take part in Eurovision!» (på engelsk). Eurovision.tv. Henta 12. april 2014. 
  6. «Australian superstar to sing at Eurovision» (på engelsk). Eurovision.tv. Henta 12. april 2014. 
  7. «Australia to compete in the 2015 Eurovision Song Contest» (på engelsk). Eurovision.tv. 10. februar 2015. Henta 10. februar 2015. 
  8. 8,0 8,1 «Australia to compete in the 2015 Eurovision Song Contest». Eurovision.tv (på engelsk). Henta 4. desember 2016. 
  9. Peter Vincent (11. februar 2015). «Australia (and Austria) to compete in Eurovision 2015». The Sydney Morning Herald. Henta 4. desember 2016. 
  10. «Guy Sebastian to compete for Australia at the Eurovision Song Contest». Eurovision.tv (på engelsk). Henta 4. desember 2016. 
  11. Sanjay (Sergio) Jiandani (11. november 2015). «Australia: SBS confirms participation in Eurovision 2016». esctoday.com. Henta 4. desember 2016. 
  12. «Australia in Eurovision 2017: Let the artist speculation begin». The Sydney Morning Herald. 1. november 2016. Henta 4. desember 2016. 
  13. Paul Jordan (31. oktober 2016). «43 countries to participate in Eurovision 2017». Den europeiske kringkastingsunion. Henta 4. desember 2016. 
  14. Evert Groot (9. februar 2019). «Australia decides: Kate Miller-Heidke to Tel Aviv». eurovision.tv. EBU. Henta 12. februar 2019. 
  15. «Australia – Eurovision Song Contest». EBU. Mai 2021. Henta 6. juni 2021. 
  16. 16,0 16,1 Matthews, Alana (12. mai 2022). «Looking back at Australia's Eurovision commentary on SBS». aussievision (på engelsk). Arkivert frå originalen 15. august 2022. Henta 11. desember 2022. 
  17. 17,0 17,1 «The special relationship: Australia and its love of Eurovision». ESC Insight - Home of the Unofficial Eurovision Song Contest Podcast. 
  18. «Eurovision scandal - SBS dumps Wogan! - inthemix Forums». inthemix.com.au. 
  19. Knox, David (17. november 2015). «SBS Upfronts: 2016: Eurovision, drama, comedy & docos.». TV Tonight. Henta 17. november 2015. 
  20. «Honestly, did you really think anybody else would be up to the task? #TheFeedSBS #SBSEurovision». Twitter. The Feed SBS. Henta 18. mai 2015. 
  21. http://www.sbs.com.au/programs/eurovision/article/2016/04/29/stockholm-calling-how-be-memorable-eurovision-voting-correspondent
  22. Herbert, Emily (30. april 2019). «Australia: Electric Fields Revealed as Eurovision 2019 Spokespersons & Jury Members Announced». Eurovoix (på engelsk). Henta 8. mai 2019. 
  23. Granger, Anthony (10. mai 2022). «🇦🇺 Australia: Courtney Act Revealed as Spokesperson For Eurovision 2022 Alongside Jury Members». Eurovoix (på engelsk). Henta 13. mai 2022. 
  24. Granger, Anthony (10. mai 2023). «🇦🇺 Australia: Catherine Martin Announced as Spokesperson for Eurovision 2023». Eurovoix (på engelsk). Henta 12. mai 2023. 

Bakgrunnsstoff endre