Douglas Fairbanks
Douglas Fairbanks sr. (23. mai 1883–12. desember 1939) var ein amerikansk skodespelar, filmforfattar, regissør og filmprodusent, og som er kjend for romantiske, atletiske roller i stumfilmar som The Mark of Zorro (Zorros merke, 1920), The Three Musketeers (De tre musketerer, 1921), Robin Hood (1922), The Thief of Bagdad (Tyven i Bagdad, 1924) og The Black Pirate (Den sorte pirat, 1926).[1] Han var med på å skipa filmselskapet United Artists i 1919.[2] Fairbanks er blitt kalla «kongen av Hollywood», og har fått ei stjerne på Hollywood Walk of Fame.
| Douglas Fairbanks | |||
 | |||
| Fødd | 23. mai 1883 | ||
|---|---|---|---|
| Fødestad | Denver | ||
| Død | 12. desember 1939 (56 år) | ||
| Dødsstad | Santa Monica | ||
| Fødenamn | Douglas Elton Thomas Ullman | ||
| Aktive år | 1915–1934 | ||
| Verka som | manusforfattar, filmregissør, filmprodusent, skribent, forretningsdrivande, filmskodespelar, teaterskodespelar, stuntmann, skodespelar, produsent | ||
| Mor | Ella Adelaide Marsh | ||
| Far | Hezekiah Charles Ullman | ||
| Ektefelle | Mary Pickford, Sylvia Ashley, Anna Beth Sully | ||
| Born | Douglas Fairbanks | ||
| Prisar | Æres-Oscar, stjerne på Hollywood Walk of Fame | ||
Douglas vart fødd som Douglas Elton Thomas Ullman i Denver i Colorado.[2] Han var son av Hezekiah Charles Ullman (fødd 1833) og Ella Adelaide Marsh (fødd 1850), halvbror av John Fairbanks (fødd 1873) og bror av Robert Payne Ullman (1882–1948).
Fairbanks var gift med Anna Beth Sully og seinare med skodespelaren Mary Pickford frå 1920 til 2935.[1] Sonen hans frå det første ekteskapet, Douglas Fairbanks jr. (1909–2000), var òg skodespelar.[2]
Kjelder endre
- ↑ 1,0 1,1 «Douglas Fairbanks | Silent film, swashbuckler, producer | Britannica», www.britannica.com (på engelsk), 20. januar 2024, henta 28. februar 2024
- ↑ 2,0 2,1 2,2 Svendsen, Trond Olav (22. august 2023). «Douglas Fairbanks». Store norske leksikon (på norsk).
- Denne artikkelen bygger på «Douglas Fairbanks» frå Wikipedia på bokmål, den 26. september 2018.
Bakgrunnsstoff endre
- The Douglas Fairbanks Site (arkivert versjon)
- The Douglas Fairbanks Museum Arkivert 2008-09-16 ved Wayback Machine.