Draup

Draup er ei musikkgruppe beståande av Liv-Jorun Bergset (fødd 1984) og Randi-Merete Roset (fødd 1984) som begge kjem i frå Stryn i Sogn og Fjordane. Duoen lagar musikk ved å spele på drikkeglas. Begge artistane gjekk musikklinja ved Firda vidaregåande skule og starta allereie der å arrangere og komponere musikk både for glas aleine, men og saman med andre instrument.

Draup
Sjanger	Glasmusikk / Instrumental
Medlemmer	Liv-Jorun Bergset og Randi-Merete Roset

TV

Bergset og Roset deltok i TV-programmet Norske Talenter på TV2 i 2008 og enda opp i finale og til slutt på ein 10. plass.

Glas som instrument

Matias Orheim (1884-1958) er mannen som introduserte glasmusikken i Nordfjord. Salmediktaren og lekpredikanten oppdaga kunsten å spele på glas i Kina, og tok med seg lærdomen heim til Nordfjord. I 1984, i samband med jubileet for markere at det var hundre år sidan Orheim vart fødd, tok kulturskulelærar Bjarte Sætre på seg oppdraget med å spele på glasa til Orheim. Seinare har Sætre laga fleire musikkinstrument beståande av glas (også kalla glasmusikkar) og lært opp unge musikkinteresserte i Stryn.