Drogheda
Drogheda (irsk Droichead Átha) er ein industri- og hamneby i Republikken Irland. Han ligg i County Louth i provinsen Leinster på austkysten av Irland, 56 km nord for Dublin. Byen har 35 090 innbyggjarar (2006) og er den sjette største i landet, så vidt større enn Dundalk, som er administrasjonssete i County Louth, med 35 085 innbyggjarar (2006).
| Drogheda | |||
|---|---|---|---|
 | |||
| |||
| Plassering | |||
  | |||
| Styresmakter | |||
| Land Provins Grevskap |
 Irland Leinster County Louth | ||
| Grunnlagd | 911 | ||
| Geografi | |||
| Flatevidd - By |
km² | ||
| Innbyggjarar - Totalt (2006) - Byområde |
35 090 28 973 | ||
| Koordinatar | 53°42′50″N 6°21′1″W / 53.71389°N 6.35028°W | ||
| Diverse annan informasjon | |||
| Heimeside: www.droghedaboro.ie | |||
Elva Boyne renn gjennom byen og fram til 1898 var byen delt mellom County Meath og County Louth, sidan grensa mellom dei gjekk langs elva.
Historie
endreByen ligg nær staden Newgrange, ein gravhaug frå om lag 3200 f.Kr. Ein handelsplass og ein busetnad har eksistert på staden sidan romartida og vart då kalla Inver Colpa. Sjølve byen vart grunnlagd i 911 av danskar og fekk offisiell bystatus i 1194. Det irske parlamentet flytta til byen i 1494. Byen vart omleira to gonger under dei irske sambandskrigane. Under den andre omleiringa vart han erobra av Oliver Cromwell i september 1649 som ein del av Cromwell si erobring av Irland, der Cromwell massakrerte dei rojalistiske styrkane. Slaget ved Boyne i 1690 stod berre 6 km vest for byen ved breidda av elva Boyne ved Oldbridge.
Drogheda sitt byvåpen viser ei stjerne og ein månesigd og har sitt opphav frå Rikard I av England (Løvehjarta), då Drogheda fekk byrettar Hugh de Lacy i 1194 under hans regjeringstid.
Jarledømet Drogheda vart danna i adelskalenderen i Irland i 1661.
Kjelder
endre- Denne artikkelen bygger på «Drogheda» frå Wikipedia på engelsk, den 26. oktober 2007.