Milano-domen
(Omdirigert frå Duomo di Milano)
Milano-domen eller italiensk Duomo di Milano, eigentleg Duomo di Santa Maria Nascente, er eit av dei mest vidkjende byggverk i Italia. Domkyrkja er katedral for Milano erkebispedømme. Nest etter Peterskyrkja i Vatikanet og katedralen i Sevilla er Milano-domen den tredje største kyrkja i verda kva gjeld flatemål. Domen består av fem skip og er 157 meter lang og 109 meter brei. Dei høge, fargerike glasmåleria i koret er mellom dei største i verda.
Fundamentet for kyrkja vart lagt i 1386. Bygninga i lys marmor og med nær 4000 figurar vart innvigd i 1572 av kardinalen Carlo Borromeo til minne om fødselsdagen til Maria møy. Fyrst i 1965 stod kyrkja heilt ferdigbygd.
Kjelder
endre- Denne artikkelen bygger på «Mailänder Dom» frå Wikipedia på tysk, den 5. mars 2015.