Ekvator

Ekvator er ei tenkt linje rundt ein planet midtvegs mellom polane der skjeringsplanet er vinkelrett på rotasjonsaksa til planeten. Ekvator deler overflata av planeten inn i den nordlege halvkula og den sørlege halvkula. Breiddegrada ved ekvator er per definisjon 0°. Jorda sin ekvator er omtrent 40 070 km lang.

Skilt ved ekvator i Kenya.

Ekvatormonument i Ecuador. (Foto: Martin Zeise)

Land under ekvator

Ved ekvator er alle dagar omtrent 12 timar lange. Klokka 12 ved vår- og haustjamdøgn står sola rett over hovudet. Landa som ligg under ekvator har som oftast tropisk klima.

• São Tomé og Príncipe - ekvator går gjennom den vesle øya Ilhéu das Rolas
• Gabon
• Kongorepublikken
• Den demokratiske Kongorepublikken
• Uganda
• Kenya
• Somalia
• Maldivane (gjennom landet)
• Indonesia: Sumatra og småøyane Pini og Lingga i nærleiken
• Borneo
• Sulawesi
• Halmahera
• Gilbertøyane
• Phoenixøyane - på kanten av øya Baker
• Lineøyane - på kanten av øya Jarvis
• Galapagosøyane - gjennom øya Isabela
• Ecuador, som er oppkalla etter ekvator
• Colombia
• Brasil