Emil Cohen
Emil Wilhelm Cohen (12. oktober 1842–13. april 1905) var ein tysk mineralog fødd på Jylland.
| Emil Cohen | |||
 | |||
| Fødd | 12. oktober 1842 Horsens | ||
|---|---|---|---|
| Død | 13. april 1905 Greifswald | ||
| Nasjonalitet | Tyskland | ||
| Område | mineralogi | ||
| Yrke | mineralog, universitetslærar | ||
| Institusjonar | Ernst-Moritz-Arndt-Universität Greifswald | ||
| Alma mater | Universitetet i Heidelberg | ||
| Medlem | Deutsche Akademie der Naturforscher Leopoldina Kungliga Fysiografiska Sällskapet i Lund | ||
Han studerte ved universiteta Berlin og Heidelberg og frå 1867 til 1872 var han assistent i mineralogi ved det sistenemnte universitetet. Han var nesten eitt og eit halvt år i Sør-Amerika, der han studerte diamant- og gullførekomstar. Dei neste åra studerte han mineralogi og førebudde avhandlingar som skildra oppdagingane hans i Afrika. Med verket Collection of Microphotographs of Minerals and Rocks vart han grunnleggjaren av den moderne petrografien. I 1878 vart han professor i petrografi i Strasbourg og Direktør for dei geologiske undersøkingane i Alsace og Lorraine. I 1885 vart han professor i mineralogi ved Universitetet i Greifswald. Her starta han å studere meteorittar og var ein av dei første mineralogane som skildra petrigrafien til jernmeteorittar og dei tilhøyrande minerala. Han fann diamantar der og isolerte og analyserte eit jernkarbid-mineral. Mineralet vart seinare kalla cohenitt etter han.
Han studerte òg utbreiinga og fordelinga av dei skandinaviske flyttblokkene i det nordlege Tyskland.
Han publiserte mellom anna verka:
- Geognostisch-petrographische Skizzen aus Südafrika (1874)
- Erläuternde Bemerkungen zu der Routenkarte einer Reise Lydenburg• nach den Goldfeldern und von Lydenburg nach der Delagoabai im östlichen Südafrika ( 1875)
- Sammlung von Mikrophotographien zur Veranschaulichung der mikroskopischen Struktur von Mineralien und Gesteinen (1881-83; tredje utgåve 1899)
- Meteoritenkunde (andre utgåve, 1903)
- Meteoreisenstudien (1891-1900, elleve nummer)
Kjelder endre
- Denne artikkelen bygger på «Emil Cohen» frå Wikipedia på engelsk, den 8. mai 2010.
- Wikipedia på engelsk oppgav desse kjeldene:
- Tekst frå New International Encyclopedia som er offentleg eigedom.
- Emil Cohen på Tysk Wikipedia